ବୌଦ୍ଧ : ଗଞ୍ଜେଇ ଚୋରା ଚାଲାଣ ପାଇଁ ସାଥି ସହଯୋଗୀଙ୍କ ଅପେକ୍ଷାରେ ଥିବା ଜଣେ ମହିଳାଙ୍କୁ ବୌଦ୍ଧ ଅବକାରୀ ବିଭାଗ ଗିରଫ ପରେ କୋର୍ଟ ଚାଲାଣ କରିଛି। ବୌଦ୍ଧ ଥାନା ଆମ୍ବଝରି ଗ୍ରାମ ଛକରେ ଜଣେ ମହିଳା ଗଞ୍ଜେଇ ଭର୍ତ୍ତି ବ୍ୟାଗ ନେଇ ଠିଆ ହୋଇଥିବା ଅବକାରୀ ବିଭାଗକୁ ସୂଚନା ମିଳିଥିଲା। ଇନ୍ସପେକ୍ଟର ସାଗରିକା ପ୍ରଧାନ ଅନ୍ୟ କର୍ମଚାରୀଙ୍କ ସହ ସେଠାରେ ଚଢ଼ଉ କରିଥିଲେ। ମହିଳାଙ୍କ ପାଖରେ ଥିବା ବ୍ୟାଗ ଯାଞ୍ଚ କରିବାରେ ସେଥିରୁ ଗଞ୍ଜେଇ ବାହାରିଥିଲା। ମହିଳା ଜଣକ ଧରିଥିବା ଗଞ୍ଜେଇର ଓଜନ ୨୨ କିଲୋ ଥିବା ଜଣାପଡ଼ିଥିଲା। ମହିଳାଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।
ଅଭିଯୁକ୍ତ ମହିଳା ହେଲେ ବୁଢ଼ିବଲଣ୍ଡା ଗ୍ରାମର ଗଜୀନ୍ଦ୍ର ପ୍ରଧାନଙ୍କ ପତ୍ନୀ ଗୁରୁବାରି ପ୍ରଧାନ(୪୦)। ଚଢ଼ଉରେ ହରଭଙ୍ଗା ଅବକାରୀ ଥାନା ଏଏସଆଇ ଅଞ୍ଜନ ଜେନା, କନେଷ୍ଟବଳ ଲୋକନାଥ ଭୋଇ, ପ୍ରଫୁଲ୍ଲ ଭୋକ୍ତା, ଅଞ୍ଜଳୀ ଅମାତ ଓ ରାଜକିଶୋର କହଁର ସାମିଲ ଥିଲେ।
Comments are closed.