ବୌଦ୍ଧ : ବୌଦ୍ଧ ଜିଲା ମୁଖ୍ୟ ଦଣ୍ଡାଧିଶ ଅଧିକାରୀ (ସିଜେଏମ) ବିଶେଶ୍ୱର ବିଶ୍ୱପ୍ରକାଶ ରାଏ ଏକ ଗଣ୍ଡଗୋଳ ମାମଲାର ବିଚାର କରି ଅଭିଯୁକ୍ତକୁ ୩ ବର୍ଷ କାରାଦଣ୍ଡାଦେଶ ଦେବା ସହ ୧୦ ହଜାର ଟଙ୍କା ଜୋରିମାନା ଆଦେଶ ଦେଇଛନ୍ତି।
ମାମଲାରୁ ପ୍ରକାଶ ଯେ ବୌଦ୍ଧ ଥାନାର ସରସରା ଗ୍ରାମର ଅଭିଯୁକ୍ତ ଅର୍ଜୁନ ମହାଲିକ ଓ ତାଙ୍କ ଝିଅ ରିତାଞ୍ଜଳୀ ମହାଲିକ ଗ୍ରାମର ସସ୍ମିତା ସ୍ୱାଇଁ ପରିବାରକୁ ଗାଲିଗୁଲଜ କରିବା ସହିତ ଗଣ୍ଡଗୋଳ କରିଆସୁଥିଲେ। ଗତ ୧୪.୧୨.୨୦୧୩ ତାରିଖରେ ଅଭିଯୁକ୍ତ ଅର୍ଜୁନ ଓ ତାଙ୍କ ଝିଅ ରୀତାଞ୍ଜଳି ସସ୍ମିତାର ଘରକୁ ପଶି ଠେଙ୍ଗା ଓ ଟାଙ୍ଗିଆ ଦ୍ୱାରା ସସ୍ମିତା ଓ ତାଙ୍କ ସ୍ୱାମୀ ଗଙ୍ଗାଧର ସ୍ୱାଇଁ ଓ ଶଶୁର ରୁପଧାରୀ ସ୍ୱାଇଁଙ୍କୁ ଗାଳିଗୁଳଜ କରିବା ସହ ଆକ୍ରମଣ କରିଥିଲେ।
ଆକ୍ରମଣରେ ଗଙ୍ଗାଧରଙ୍କ ଗୋଡ ଓ ହାତ ଭାଙ୍ଗି ଯାଇଥିବାବେଳେ ଶଶୁର ରୁପଧରଙ୍କ ମୁଣ୍ଡରେ ହାଣି ଦେଇଥିବା ନେଇ ସସ୍ମିତା ବୌଦ୍ଧ ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇବାପରେ ବୌଦ୍ଧ ପୋଲିସ ଥାନା କେସ ନଂ ୨୫୧/୧୩ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ପରେ ମାମଲାଟି ବୌଦ୍ଧ ଜିଲା ବୌଦ୍ଧ ଜିଲା ମୁଖ୍ୟ ଦଣ୍ଡାଧିଶ ଅଧିକାରୀ (ସିଜେଏମ)ଙ୍କ ଅଦାଲତରେ ଏସଟି ୫୬/୧୬ ହୋଇ ବିଚାର ହୋଇଥିଲା। ବିଚାର ଚାଲିଥିବା ବେଳେ ଅଭିଯୁକ୍ତ ରୀତାଞ୍ଜଳୀ ମହାଲିକ ଫେରାର ହୋଇଯାଇଥିଲା। ଫଳରେ ମାମଲାଟି ଅଭିଯୁକ୍ତ ଅର୍ଜୁନ ମହାଲିକଙ୍କ ପାଇଁ ବିଚାର ହୋଇଥିଲା। ମାମଲାରେ ସରକାରଙ୍କ ପକ୍ଷରୁ ୮ ଜଣ ସାକ୍ଷୀଙ୍କ ବୟାନକୁ ଭିତ୍ତି କରି ଅତିରିକ୍ତ ଜିଲା ମୁଖ୍ୟ ଦଣ୍ଡାଧିଶ ଅଧିକାରୀ (ସିଜେଏମ) ବିଶେଶ୍ୱର ବିଶ୍ୱପ୍ରକାଶ ରାଏ ପ୍ରମାଣ ଥିବା ନେଇ ଅଭିଯୁକ୍ତ ଅର୍ଜୁନ ମହାଲିକଙ୍କୁ ୩ ବର୍ଷ କାରାଦଣ୍ଡାଦେଶ ଦେବା ସହ ୧୦ ହଜାର ଟଙ୍କା ଜୋରିମୋନା ଆଦେଶ ପ୍ରଦାନ କରିଛନ୍ତି। ସରକାରଙ୍କ ପକ୍ଷରୁ ମାମଲାକୁ ସରକାରୀ ଓକିଲ ଦେବରଞ୍ଜନ ବିଶି ପରିଚାଳନା କରୁଥିଲେ।
Comments are closed.