ବୌଦ୍ଧ: ଜନ୍ୱଦିନ ହେଉ କିମ୍ବା ବିବାହବାର୍ଷିକୀ ଖୁବ ଧୁମଧାମରେ ସାଙ୍ଗ ସାଥୀଙ୍କ ଗହଣରେ ପାଳନ କରିବାକୁ ସମସ୍ତେ ଆଗ୍ରହ ପ୍ରକାଶ କରିଥାନ୍ତି। କିଏ ମନ୍ଦିର ଯାଇ ଠାକୁରଙ୍କ ନିକଟରେ ଜବୀନର ଖୁସି ପାଇଁ ପ୍ରାର୍ଥନା କରିଥାଏ ତ ଆଉ କିଏ ଭୋଜିଭାତର ଆସର ଜମାଇ ଏହି ବିଶେଷ ଦିନକୁ ସ୍ମରଣୀୟ କରିଥାଏ। କିନ୍ତୁ ବୌଦ୍ଧଜିଲା ବୌଦ୍ଧବ୍ଲକ ଅନ୍ତର୍ଗତ ମୁଣ୍ଡାପଡା ଗ୍ରାମପଞ୍ଚାୟତର ସରପଞ୍ଚ ବିଦ୍ୟାଧର ସ୍ୱାଇଁଙ୍କ ପୁଅ ମାନସ ରଂଜନ ସ୍ୱାଇଁ ସମାଜ ଓ ପରିବାର ଦ୍ୱାରା ଅବହେଳିତ ହୋଇ କୁଷ୍ଠାଶ୍ରମରେ ଅନ୍ତିମ ଜୀବନ କାଟୁଥିବା ଅନ୍ତେବାସୀଙ୍କ ଗହଣରେ ନିଜର ଜନ୍ମଦିନ ପାଳନ କରିଛନ୍ତି। କମିରା ଗ୍ରାମର ବାସୀନ୍ଦା ଶ୍ରୀସ୍ୱାଇଁ ତାଙ୍କର ଜନ୍ମଦିନ ଅବସରରେ ବୌଦ୍ଧ କୁଷ୍ଠାଶ୍ରମରେ ପହଁଞ୍ଚି ଅନ୍ତେବାସୀମାନଙ୍କ ସୁବିଧା ଅସୁବିଧା ସଂପର୍କରେ ଆଲୋଚନା କରିବା ସହିତ ସମସ୍ତଙ୍କ ପାଇଁ ଖାଦ୍ୟ ସାମଗ୍ରୀ ଓ ଶିତଦିନ ଆସୁଥିବାରୁ ଚାଦର ପ୍ରଦାନ କରିଥିଲେ। କୁଷ୍ଠାଶ୍ରମର ଅନ୍ତେବାସୀଙ୍କ ମଧ୍ୟରେ ମୁଣ୍ଡାପଡା ପଞ୍ଚାୟତର ଜଣେ ବୃଦ୍ଧ ରହୁଥିବାରୁ ସରପଞ୍ଚ ଶ୍ରୀସ୍ୱାଇଁ ପ୍ରତିମାସରେ ନିଜେ ତାଙ୍କ ପାଇଁ ଭତ୍ତା ଓ ଚାଉଳ ନିଜ ଖର୍ଚ୍ଚରେ ମଧ୍ୟ ପହଞ୍ଚାଉଥିବା ଜଣାଯାଇଛି।
Popular Categories
Previous article
Next article