ଧାମରା: ଚାନ୍ଦବାଲି ଥାନା ଅନ୍ତର୍ଗତ ଆମ୍ୱିଳା ଗ୍ରାମର ବାଲୁକୁରୀ ଛକ ନିକଟରେ ରବିବାର ବିଳମ୍ୱିତ ରାତିରେ ଚିଙ୍ଗୁଡି ବ୍ୟବସାୟୀଙ୍କ ଉପରକୁ ବୋମା ମାଡ଼ ହୋଇଛି । ଏହି ବୋମା ମାଡ଼ରେ ୨ ଜଣ ଚିଙ୍ଗୁଡ଼ି ବ୍ୟବସାୟୀ ଗୁରୁତର ଆହତ ହୋଇଛନ୍ତି । ଆହତ ଗୌରହରି ମାଝୀ ଭଦ୍ରକ ମେଡ଼ିକାଲରେ ଚିକିତ୍ସିତ ହେଉଥିବା ବେଳେ ବସନ୍ତ ସାମଲଙ୍କୁ କଟକ ସ୍ଥାନାନ୍ତର କରାଯାଇଛି। ବୋମା ମାଡ଼ର କାରଣ ସ୍ପଷ୍ଟ ହୋଇନାହିଁ । ଘଟଣା ସ୍ଥଳରେ ଚାନ୍ଦବାଲି ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । ବୋମା ମାଡ଼ ସ୍ଥାନରେ ଏକ ମୋଟର ସାଇକେଲର କିଛି ଅଂଶ ସହ ଆହତଙ୍କ ଚପଲ ଏବଂ ରକ୍ତଭିଜା ପୋଷାକ ପଡିରହିଛି ।
