ମୁମ୍ବଇ : ବଲିଉଡ଼ ଅଭିନେତା ନବାଜୁଦ୍ଦିନ ସିଦ୍ଦିକୀଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ବୋଲେ ଚୁଡ଼ିୟାଁ’ର ଟିଜର୍ ଶୁକ୍ରବାର ରିଲିଜ୍ ହୋଇଛି। ନବାଜୁଦ୍ଦିନ ନିଜେ ସାମାଜିକ ଗଣମାଧ୍ୟମରେ ଏହି ଟିଜରକୁ ଶେୟାର କରିଛନ୍ତି। ବାହୁବଳୀ ଅଭିନେତ୍ରୀ ତମନ୍ନା ଭାଟିଆଙ୍କୁ ଏଥିରେ ନବାଜୁଦ୍ଦିନଙ୍କ ବିପକ୍ଷରେ ନାୟିକା ଭାବେ ଦେଖିବାକୁ ମିଳିଛି। ଏହି ଚଳଚ୍ଚିତ୍ର ମାଧ୍ୟମରେ ଦୁହେଁ ପ୍ରଥମ ଥର ପାଇଁ ପରଦାରେ ଏକାଠି ନଜର ଆସିବେ।
ନବାଜୁଦ୍ଦିନଙ୍କ ଭାଇ ଶମାସ୍ ନବାବ ସିଦ୍ଦିକୀ ଚଳଚ୍ଚିତ୍ରର ନିର୍ଦ୍ଦେଶନା ଭାର ବହନ କରିଛନ୍ତି। ପୂର୍ବରୁ ଏଥିରେ ମୌନୀ ରୟ ଅଭିନୟ କରିବେ ବୋଲି ଚର୍ଚ୍ଚା ହେଉଥିଲା। ମାତ୍ର କୌଣସି କାରଣରୁ ତାଙ୍କ ପରିବର୍ତ୍ତେ ତମନ୍ନା ଏବେ ସେହି ଭୂମିକାରେ ନଜର ଆସିବେ।
Comments are closed.