ବଲାଙ୍ଗିର: ବଲାଙ୍ଗିରରୁ ଦେଓଗାଁ ଯାଉଥିବା ବେଳେ ଗୁରୁବାର ଜାତୀୟ ରାଜପଥରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଛି। ଅନ୍ୟ ୫ଜଣ ଆହତ ହୋଇଛନ୍ତି। ସେମାନଙ୍କୁ ବଲାଙ୍ଗିର ଭୀମ ଭୋଇ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।
ସୂଚନା ଅନୁସାରେ, ଏକ କାରରେ ବଲାଙ୍ଗିରରୁ କିଛି ବ୍ୟକ୍ତି ଦେଓଗାଁ ଆଡକୁ ଯାଉଥିଲେ। ଘୁଚିପାଲି ନିକଟରେ ଭାରସାମ୍ୟ ହରାଇ କାର୍ଟି ଏକ ଗଛକୁ ଧକ୍କା ଦେଇଥିଲା। ଫଳରେ କାର୍ରେ ଥିବା ୬ଜଣଙ୍କ ମଧ୍ୟରୁ ଜଣଙ୍କର ଅବସ୍ଥା ଗୁରୁତର ରହିଥିଲା। ସମସ୍ତଙ୍କୁ ଉଦ୍ଧାର କରାଯାଇ ବଲାଙ୍ଗିର ଭୀମ ଭୋଇ ଡାକ୍ତରଖାନାକୁ ଅଣାଯାଇଥିଲା। ସେଠାରେ ଡାକ୍ତର ଜଣଙ୍କ ମୃତ ଘୋଷଣା କରିଥିଲେ। ଅନ୍ୟ ୫ଜଣଙ୍କୁ ଡାକ୍ତରଖାନାରେ ଚିକିତ୍ସା କରାଯାଉଛି। ତେବେ ସେମାନଙ୍କ ପରିଚୟ ମିଳି ନାହିଁ। ମୃତ ଓ ଆହତମାନେ ସଇଁନ୍ତଲା ଲାଟୁର ଗାଁର ବୋଲି ଆଲୋଚନା ହେଉଛି। ମୃତାହତଙ୍କ ସଂପର୍କୀୟମାନେ ମଧ୍ୟ ଆସି ନଥିବା ଜଣାପଡିଛି।
Comments are closed.