ବଲାଙ୍ଗିର/ବଡମାଳ: ବୁଧବାର ସଇଁନ୍ତଳା ପଞ୍ଚାୟତ ସେମିତି ମହାବିଦ୍ୟାଲୟରେ ଯୁକ୍ତ ଦୁଇ ପ୍ରଥମ ବର୍ଷର ଛାତ୍ର କାହ୍ନା ତାଣ୍ଡି ଓ ଯୁକ୍ତ ଦୁଇ ଦ୍ୱିତୀୟ ବର୍ଷର କିଛି ଛାତ୍ରଙ୍କ ମଧ୍ୟରେ କଥା କଟାକଟି ହୋଇଥିଲା । ତେବେ ସେହି ଘଟଣାକୁ ନେଇ ଗୁରୁବାର ଯୁକ୍ତ ଦୁଇର ଦ୍ୱିତୀୟ ବର୍ଷର ଛାତ୍ରମାନେ କିଛି ଅଣ ଛାତ୍ରଙ୍କ ସହ କଲେଜ ଭିତରକୁ ପ୍ରଵେଶ କରିଥିଲେ । ପ୍ରଥମ ବର୍ଷର ଛାତ୍ରଙ୍କୁ କଲେଜ ପରିସରରୁ ବାହାରକୁ ନେଇ ଗାଳିଗୁଲଜ କରିବା ସହ ଗୋଡାଇ ଗୋଡାଇ ନିସ୍ତୁକ ମାଡ଼ ମାରିଥିଲେ । ଏନେଇ କଲେଜ ଅଧ୍ୟକ୍ଷଙ୍କ ଠାରେ ଅଭିଯୋଗ ହୋଇଛି । ଛାତ୍ରକୁ କିଛି କଲେଜ ଛାତ୍ର ଓ ଅଣଛାତ୍ର କିମ୍ବା ଦୁର୍ବୃତ୍ତ ନିସ୍ତୁକ ମାଡ଼ ମାରିଥିବା ଦୃଶ୍ୟ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାର ଲାଗିଛି । ଏ ସମ୍ପର୍କରେ କଲେଜର ଅଧ୍ୟକ୍ଷ ଶିବପ୍ରସାଦ ବିଶ୍ଵାଳଙ୍କୁ ଫୋନ ଯୋଗେ ଯୋଗାଯୋଗ କରିବାରୁ ଘଟଣାଟି କଲେଜ ବାହାରେ ହୋଇଥିବା କହିଛନ୍ତି । ରେଗିଂ ସମ୍ପର୍କିତ ଭିଡିଓ ଭାଇରାଲ ପରେ ବିଭିନ୍ନ ମହଲରେ ଉଦବେଗ ପ୍ରକାଶ ପାଇବା ସହ ଦୋଷୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି ହେଉଛି।
Popular Categories
Previous article
Next article