ବଲାଙ୍ଗିର: ବଲାଙ୍ଗିର ଜିଲା ପୁଇଁନ୍ତଳା ତଥା ବଲାଙ୍ଗିର ବ୍ଲକର ଗୋଷ୍ଠୀ ଶିକ୍ଷା ଅଧିକାରୀ (ବିଇଓ) ନେପାଳ ଚନ୍ଦ୍ର ବାଗଙ୍କ ବିରୋଧରେ ବିଭିନ୍ନ ଅଭିଯୋଗ ଆସିଥିଲା । ଏହାର ଯାଞ୍ଚ କରାଯାଇ ରାଜ୍ୟ ସରକାରଙ୍କ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ଶ୍ରୀ ବାଗଙ୍କୁ ୨୦୨୧ ଜୁନ ୯ ତାରିଖରେ ଚିଠି ସଂଖ୍ୟା-୧୦୪୭୨ରେ ନିଲମ୍ବିତ କରାଯାଇଥିଲା । ପ୍ରାୟ ବର୍ଷେ ଧରି ସେ ନିଲମ୍ବିତ ହୋଇ ରହିଥିବା ବେଳେ ତାଙ୍କୁ ପୁନଃ ଅବସ୍ଥାପିତ କରାଯାଇ ନଥିଲା । ଇତିମଧ୍ୟରେ ମାନ୍ୟବର ରାଜ୍ୟପାଳଙ୍କ ନିର୍ଦ୍ଦେଶରେ ରାଜ୍ୟ ସରକାରଙ୍କ ପ୍ରମୁଖ ଶାସନ ସଚିବ ବିଷ୍ଣୁପଦ ସେଠୀ ଶୁକ୍ରବାର ଚିଠି ସଂଖ୍ୟା ୯୭୫୩ରେ ପୂର୍ବତନ ବିଇଓ ଶ୍ରୀ ବାଗଙ୍କୁ ପୁନଃ ଅବସ୍ଥାପିତ କରାଯାଇଥିବା ଦର୍ଶାଇଛନ୍ତି । ତାଙ୍କୁ କଳାହାଣ୍ଡି ଜିଲା ଜୁନାଗଡ ବାଳକ ହାଇସ୍କୁଲର ପ୍ରଧାନ ଶିକ୍ଷକ ଭାବେ ତୁରନ୍ତ ଯୋଗଦେବାକୁ ଚିଠିରେ ନିର୍ଦ୍ଦେଶ ଦିଆଯାଇଛି ।
Popular Categories
Previous article
Next article