ତୁରେକେଲା: ବଲାଙ୍ଗିର ଜିଲା ତୁରେକେଲା ବ୍ଲକ ଅଞ୍ଚଳରେ ଦିନକୁ ଦିନ କ୍ୱାକଙ୍କ ପ୍ରାଦୁର୍ଭାବ ବଢି ଚାଲିଛି। ଭୁଲ ଇଞ୍ଜେକ୍ସନ ଯୋଗୁଁ ଅନେକଙ୍କ ଜୀବନ ହାନି ଘଟୁଥିବା ଅଭିଯୋଗ ଆସୁଛି। ଏଭଳି ଏକ ସାଂଘାତିକ ଅଭିଯୋଗ ଆସିଛି ମହୁଲପାଟି ଗାଁ ରୁ। କ୍ୱାକଙ୍କ ଭୁଲ ଇଞ୍ଜେକ୍ସନ ଯୋଗୁଁ ତୁରେକେଲା ବ୍ଲକ ମହୁଳପାଟି ଗାଁର ଜଣେ ମହିଳାଙ୍କର ମୃତ୍ୟୁ ଘଟିଛି । ମିଳିଥିବା ସୂଚନା ଅନୁଯାୟୀ ମହୁଲପାଟି ଗାଁର ଡିଙ୍ଗର ପୁଟା ଏବଂ ତାଙ୍କ ପତ୍ନୀ ଭବାନୀ ପୁଟା ଚାଷ କାମ କରି ଘରକୁ ଫେରିଥିଲେ। ହଠାତ୍ ଗତକାଲି ରାତିରେ ଭବାନୀଙ୍କ ହାତ ଗୋଡ଼ ବିନ୍ଧିବା ସହ ଜର ହେବାରୁ ଲର୍କି ଗାଁର କ୍ୱାକ ରଞ୍ଜିତ ମେହେର ତାଙ୍କୁ ଇଞ୍ଜେକ୍ସନ ଦେଇଥିଲେ। କ୍ୱାକ ଜଣକ ମହିଳାଙ୍କୁ ଇଞ୍ଜେକ୍ସନ ଦେବା ପରେ ହଠାତ ମହିଳା ଜଣକ ଅଚେତ ହୋଇପଡିଥିଲେ। ଘଟଣା ପରେ ପରିବାର ଲୋକ ଅଚେତ ଅବସ୍ଥାରେ ତୁରେକେଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିବାବେଳେ ସେଠାରେ ଡାକ୍ତର ମୃତ ଘୋଷଣା କରିଛନ୍ତି ।ପରିବାର ଲୋକେ ସମ୍ପୃକ୍ତ କ୍ୱାକ ନାଁରେ ତୁରେକେଲା ଥାନା ରେ ଅଭିଯୋଗ କରିଛନ୍ତି। ପୁଲିସ୍ ଘଟଣାରେ ଅଧିକ ତଦନ୍ତ ଜାରି ରଖିଛି।
Popular Categories
Previous article
Next article