ରାଷ୍ଟ୍ରପତିଙ୍କ ଉଦେଶ୍ୟରେ କଂଗ୍ରେସ ନେତାଙ୍କ ଅଶାଳୀନ ମନ୍ତବ୍ୟ ପ୍ରତିବାଦରେ ବୌଦ୍ଧ ବିଜେପି ପକ୍ଷରୁ ଥାନାରେ ଏତାଲା

ବୌଦ୍ଧ : କଂଗ୍ରେସ ଦଳର ବରିଷ୍ଠ ନେତା ତଥା ଲୋକସଭାର ବିରୋଧିଦଳ ନେତା ଅଧିରଞ୍ଜନ ଚୌଧୁରୀ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଉଦେଶ୍ୟରେ ଅାଶାଳିନ ମନ୍ତବ୍ୟ ଦେଇଥିବାରୁ ଏହାର ପ୍ରତିବାଦରେ ବୌଦ୍ଧ ଜିଲା ବିଜେପି ପକ୍ଷରୁ ଗୁରୁବାର ଦିନ ଥାନାରେ ଏତେଲା ଦିଆଯିବାସହ ଗାନ୍ଧୀଛକଠାରେ ବିକ୍ଷୋଭ ପ୍ରଦର୍ଶନ କରାଯାଇ କୁଶପୁତ୍ତଳିକା ଦାହ କରାଯାଇଛି। ଜିଲା ବିଜେପି ସଭାପତି ବିପ୍ରଚରଣ ମହାନ୍ତିଙ୍କ ନେତୃତ୍ୱର ଦଳର ନେତାମାନେ ବୌଦ୍ଧ ଆଦର୍ଶ ଥାନାକୁ ଯାଇ ବିରୋଧିଦଳ ନେତା ଅଧିରଞ୍ଜନ ଚୌଧୁରୀଙ୍କ ନାମରେ ଏକ ଏତାଲା ଦେଇଛନ୍ତି।

ଅଭିଯୋଗପତ୍ରରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଲଲ୍ଳେଖ କରାଯାଇଛି। ଏହାସହ ସନ୍ଧ୍ୟାରେ ସହରର ଗାନ୍ଧୀଛକଠାରେ ସାଂସଦ ଶ୍ରୀ ଚୌଧୁରୀଙ୍କ କୁଶପୁତ୍ତଳିକା ଦାହ କରାଯାଇଛି। ଏହି ବିକ୍ଷୋଭରେ ବରିଷ୍ଠ ବିଜେପି ନେତା ପ୍ରଦୋଷ ମିଶ୍ର, ସୂର୍ଯ୍ୟନାରାୟଣ ମହାପାତ୍ର,ମନୋରଞ୍ଜନ ଦାଶ.ନମିତାରାଣୀ ଦାଶ, ବିଶିକେସନ ପ୍ରଧାନ, ଶ୍ୟାମସୁନ୍ଦର ପୁରୋହିତ, ସତ୍ୟାନନ୍ଦ ପାଣ୍ଡେ,ନିରଞ୍ଜନ ଦାନୀ ଓ ରାଜକୁମାର ମେହେର ପ୍ରମୁଖ ଉପସ୍ଥିତ ଥିଲେ।