ବୌଦ୍ଧ : ସ୍ଥାନୀୟ ସରକାରୀ ବାଳିକା ଉଚ୍ଚ ବିଦ୍ୟାଳୟ ସଭାଗୃହରେ ଗୋଷ୍ଠୀ ଶିକ୍ଷା ଅଧିକାରୀ ଧ୍ରୁବ ଚରଣ ଘିବେଲାଙ୍କ ସଭାପତିତ୍ବରେ ବ୍ଲକ ସ୍ତରୀୟ ଅଗଷ୍ଟ ମାସର ପ୍ରଥମ ଶିକ୍ଷା ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନର ଶିକ୍ଷକ ପ୍ରଶିକ୍ଷିକା ଅନୁପମା ମେହେର ଶିକ୍ଷଣ ଫଳାଫଳ ଓ ତା’ର ବ୍ୟବହାର ଉପରେ ଆଲୋଚନା କରିଥିଲେ। ପ୍ରତିମାସରେ ଅଭିଭାବକ ବୈଠକ ଓ ବିଦ୍ୟାଳୟ ପରିଚାଳନା କମିଟି ବୈଠକ କରିବା, ବିଦ୍ୟାଳୟ ପରିବେଶରେ ଗଛ ଲଗାଇବା, ଅଗଷ୍ଟ ୧୫ ପୂର୍ବରୁ ବିଦ୍ୟାଳୟ ପୋଷାକ ବଣ୍ଟନ କରିବା, କୋଭିଡ ନିୟମ ପାଳନ ପୂର୍ବକ ସ୍ୱାଧୀନତା ଦିବସ ପାଳନ କରିବାକୁ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ଘିବେଲା ସୂଚନା ଦେଇଥିଲେ। ପ୍ରତି ବିଦ୍ୟାଳୟର ବ୍ୟାଙ୍କ ଜମାଖାତା ପାଇଁ କେୱାଇସି ଦାଖଲ କରିବା, ପ୍ରି-ମାଟ୍ରିକ ଛାତ୍ରବୃତ୍ତି, ଇନଷ୍ପାୟାର ଆୱାର୍ଡ ପଞ୍ଜିକରଣ, କୋଭିଡ ଟୀକାର ତଥ୍ୟ, ବିଦ୍ୟାଳୟ ଗୃହ ପଞ୍ଚାୟତ ବା ବ୍ଲକକୁ ହସ୍ତାନ୍ତର ତଥ୍ୟ, ଭିନ୍ନକ୍ଷମ ପିଲାଙ୍କ ଯାତାୟାତ ଆର୍ଥିକ ସୁବିଧା, ଡେ଼ଡିକେଟେଡ଼ ଶିକ୍ଷକ ତାଲିମ, ମୋ ସ୍କୁଲ ଅଭିଯାନର ଆର୍ଥିକ ଖର୍ଚ୍ଚ ବିବରଣୀ ପ୍ରଦାନ, ମଧ୍ୟାହ୍ନ ଭୋଜନ ଆଦି ବିଷୟରେ ସହ ଗୋଷ୍ଠୀ ଶିକ୍ଷା ଅଧିକାରୀ କମଳକାନ୍ତ ଦଳବେହେରା ଓ ଅଖିଳ କୁମାର ପ୍ରଧାନ ଆଲୋଚନା କରିଥିଲେ। ସିଆରସିସି ରାଜକୁମାର ପ୍ରଧାନ, ସଞ୍ଜୟ କୁମାର ଦେହୁରୀ, ଲବକିଶୋର ପ୍ରଧାନ, ସନ୍ତୋଷ କୁମାର କର୍ଣ୍ଣ, ନିରଞ୍ଜନ ମେହେର, ଅରବିନ୍ଦ ମହାଲିକ, ସନ୍ତୋଷ କୁମାର ଶତପଥୀ, ଶେଷଦେବ ପ୍ରଧାନ ପ୍ରମୁଖ ଆଲୋଚନାରେ ମତାମତ ରଖିଥିଲେ। ବ୍ଲକର ସମସ୍ତ ସିଆରସିସି, ହିସାବ ରକ୍ଷକ ଵାପିନା ମହାରଣା ଉପସ୍ଥିତ ଥିଲେ। ନିରଞ୍ଜନ ମେହେର ଧନ୍ୟବାଦ ଦେଇଥିଲେ।
Popular Categories
Previous article
Next article