ବୋଲଗଡ଼: ବୋଲଗଡ଼ ବ୍ଲକ ପିଚୁକୁଳି ଜାତୀୟ ରାଜପଥ ୫୭ ନେତାଜୀ ଛକ ଠାରେ ସୋମବାର ରାତି ପ୍ରାୟ ସାଢେ ୮ଟା ସମୟରେ ଏକ ବୁଲେଟ ସହ ସ୍କୁଟି ଧକ୍କା ଫଳରେ ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଛି। ଏହି ସଡ଼କ ଦୁର୍ଘଟଣାରେ ୨ଜଣ ସମେତ ଜଣେ ଶିଶୁ ଗୁରୁତର ହୋଇଛି।
ସୂଚନା ଅନୁଯାୟୀ ବୋଲଗଡ଼ ବ୍ଲକ ହାଟବସ୍ତ ଗ୍ରାମର ମୃତକ ରାଧେଶ୍ୟାମ ସାହୁ ନିଜ ଝିଅ ଘର ଗିରିଗିରିଆ ଗ୍ରାମରୁ ଶୁଦ୍ଧ କ୍ରିୟା କାର୍ଯ୍ୟରେ ଯୋଗ ଦେଇ ନିଜ ବଡ଼ ବୋହୁ ଝୁନା ଓ ୮ବର୍ଷର ନାତୁଣୀ ଯଶୋଦାଙ୍କ ସହ ନିଜ ଗ୍ରାମକୁ ଏକ ସ୍କୁଟି ଯୋଗେ ଫେରୁଥିଲେ। ନିଶାଶକ୍ତ ଅବସ୍ଥାରେ ବୋଲଗଡ଼ ଗ୍ରାମର ହାପି ସେଠୀ ଓ ତାଙ୍କ ସାଙ୍ଗ ଦ୍ରୁତ ଗତିରେ ଆସି ସ୍କୁଟି ଧକ୍କା ଦେଇଥିଲେ। ଘଟଣା ସ୍ଥଳରେ ରାଧେଶ୍ୟାମଙ୍କ ମୃତ୍ୟୁ ହୋଇଥିବା ବେଳେ ବୋହୁ ଓ ନାତୁଣୀ ଗୁରୁତର ଭାବେ ଆହତ ହୋଇଥିଲେ। ୨ ଗୁରୁତରଙ୍କୁ ସ୍ଥାନୀୟ ଲୋକେ ୧୦୮ ଆମ୍ବୁଲାନ୍ସରେ ଖୋର୍ଦ୍ଧା ମୁଖ୍ୟ ଚିକିତ୍ସାଳୟକୁ ଚିକିତ୍ସା ପାଇଁ ପଠାଇଥିଲେ।
ବୁଲେଟ ଚାଳକ ହାପିକୁ ଗୁରୁତର ଭାବେ ଏକ ଅଟୋରେ ତୁରନ୍ତ ରାଜସୁନାଖଳା ଡାକ୍ତର ଖାନା ପଠାଯାଇଛି। ଖବର ପାଇ ବେଗୁନିଆ ଥାନା ପୁଲିସ ଘଟଣାସ୍ଥଳରେ ପହଞ୍ଚି ଉଭୟ ଗାଡି ଜବତ ପରେ ତଦନ୍ତ ଆରମ୍ଭ କରିଛି। ପ୍ରକାଶ ଥାଉକି ଉକ୍ତ ସ୍ଥାନଟି ଚଳିତ ବର୍ଷ ପ୍ରାୟ ୩୦ଟି ଦୃଘଟଣା ଘଟି ସାରିଛି। ଏଥିରେ ୪ଜଣଙ୍କ ମୃତ୍ୟୁ ଘଟିଛି।
Comments are closed.