ପାଟନା : ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ରାଷ୍ଟ୍ରୀୟ ଜନତା ଦଳ (ଆରଜେଡି) ଅଧ୍ୟକ୍ଷ ଲାଲୁ ପ୍ରସାଦ ଯାଦବଙ୍କୁ ବିଜେପି ବିଷ ଦେଇ ମାରିବାକୁ ଚେଷ୍ଟା କରୁଛି ବୋଲି ପୂର୍ବତନ ମୁଖ୍ୟମନ୍ତ୍ରୀ ତଥା ଲାଲୁଙ୍କ ପତ୍ନୀ ରାବ୍ରୀ ଦେବୀ ଗୁରୁତର ଅଭିଯୋଗ କରିଛନ୍ତି।
ପ୍ରକାଶ ଯେ ବିହାର ଗୋ-ଖାଦ୍ୟ ଦୁର୍ନୀତି ଅଭିଯୋଗରେ ଦୋଷୀ ସାବ୍ୟସ୍ତ ହୋଇ ଲାଲୁ ଜେଲ ଦଣ୍ଡ ଭୋଗୁଛନ୍ତି। ଅସୁସ୍ଥତା ପାଇଁ ତାଙ୍କୁ ରାଞ୍ଚିସ୍ଥିତ ଏକ ହସ୍ପିଟାଲରେ ଭର୍ତ୍ତି କରାଯାଇଛି। ସେଠାରେ ତାଙ୍କୁ ପରିବାର ଲୋକ ଭେଟିବାକୁ ଚେଷ୍ଟା କରି ବିଫଳ ହୋଇଛନ୍ତି । ଏନେଇ ରାବ୍ରୀ ଟ୍ୱିଟ୍ କରିଛନ୍ତି ଯେ ତାଙ୍କ ସାନ ପୁଅ ତେଜସ୍ୱୀ ଯାଦବ ବାପା ଲାଲୁଙ୍କୁ ଭେଟିବା ପାଇଁ ଆବେଦନ କରିଥିଲେ। ହେଲେ ବିଜେପି ସରକାର ତାଙ୍କୁ ଏଥିପାଇଁ ଅନୁମତି ଦେଇନାହିଁ । ମାସେ ହେବ ପରିବାରର କୌଣସି ସଦସ୍ୟଙ୍କୁ ଲାଲୁଙ୍କୁ ଭେଟିବାକୁ ଦିଆଯାଉନାହିଁ । ବିଜେପି ସରକାର ଲାଲୁଙ୍କୁ ହସ୍ପିଟାଲରେ ବିଷ ଦେଇ ମାରିବାକୁ ଚେଷ୍ଟା କରୁଛନ୍ତି । ଭାରତ ସରକାର ପାଗଳ ହୋଇଯାଇଛନ୍ତି। ଆଇନ ବାହାରେ ଲାଲୁଙ୍କ ପ୍ରତି କଠୋର ବ୍ୟବହାର କରାଯାଉଛି ବୋଲି ସେ ଅଭିଯୋଗ କରିଛନ୍ତି।
ପ୍ରକାଶ ଯେ ଅପ୍ରେଲ ୧୦ରେ ସୁପ୍ରିମକୋର୍ଟ ଲାଲୁଙ୍କ ଜାମିନ ଆବେଦନକୁ ଖାରଜ କରିଦେଇଥିଲେ। ଅସୁସ୍ଥତା କାରଣରୁ ଜାମିନ ପାଇଁ ସେ ଆବେଦନ କରିଥିଲେ। ତେବେ ସିବିଆଇ ଏହାକୁ ବିରୋଧ କରିବା ପରେ ସୁପ୍ରିମକୋର୍ଟ ଲାଲୁଙ୍କୁ ଜାମିନ ଦେଇନଥିଲେ।
ଲାଲୁଙ୍କୁ ବିଷ ଦେଇ ମାରିବାକୁ ଚେଷ୍ଟା କରୁଛି ବିଜେପି: ରାବ୍ରୀ ଦେବୀ
Popular Categories
Previous article
Next article