ଆଠଗଡ଼ : ଆଠଗଡ଼ ବିଜେପି ପକ୍ଷରୁ ବୁଧବାର କନ୍ଦରପୁର ଗ୍ରାମରେ ଏକ ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି । ବରିଷ୍ଠ ବିଜେପି ନେତା ଅଭୟ କୁମାର ବାରିକ ଏହାର ନେତୃତ୍ୱ ନେଇ ବିଭିନ୍ନ ସ୍ଥାନରେ ଆୟୋଜିତ ପଥପ୍ରାନ୍ତ ସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ କେନ୍ଦ୍ରର ଏନଡିଏ ସରକାରଙ୍କ ବିଭିନ୍ନ ଉନ୍ନୟନମୂଳକ କାର୍ଯ୍ୟକ୍ରମ ସମ୍ପର୍କରେ ଲୋକମାନଙ୍କୁ ଅବଗତ କରାଇଥିଲେ। ଦେଶର ବିକାଶ ରଥକୁ ଆହୁରି ଗତିଶୀଳ କରିବା ଲାଗି ଭାରତୀୟ ଜନତା ପାର୍ଟି ସହିତ ଯୋଡି ହୋଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ହାତମୁଠାକୁ ଟାଣ କରିବାକୁ ଶ୍ରୀ ବାରିକ ଆହ୍ବାନ କରିଥିଲେ। ଏହି ଜନସମ୍ପର୍କ ପଦଯାତ୍ରା କନ୍ଦରପୁର ନିମ୍ବ ଛକଠାରୁ ବାହାରି ପଞ୍ଚାୟତର ଏଗାରଟି ଓ୍ଵାର୍ଡ ପରିକ୍ରମା କରିଥିଲା । ବିଜେପି ଯୁବନେତା ସରୋଜ ଦାସ, ନୂତନ କୁମାର ରାଉତ, ପ୍ରକାଶ କୁମାର ସେଠୀ, ଦୀପକ ରାଉତ, ନିବାସ ଚନ୍ଦ୍ର ଦଳେଇ, ଧ୍ରୁବ ଚରଣ ସାହୁ, ବିଶ୍ଵଜିତ ଦଳାଇ, ବିଜୟ କୁମାର ଦଳାଇ, ଶ୍ରୀକାନ୍ତ ଦଳାଇ ପ୍ରମୁଖ ଯୋଗଦେଇ ବିଭିନ୍ନ ପଥପ୍ରାନ୍ତ ସଭାରେ ନିଜର ବକ୍ତବ୍ୟ ରଖିଥିଲେ।
Comments are closed.