ଫୁଲବାଣୀ: ଫୁଲବାଣୀ ନାରାୟଣୀ ଯାତ୍ରା ପଡ଼ିଆ ସ୍ଥିିତ ସଭାଗୃହ ଠାରେ କନ୍ଧମାଳ ବିଜୁ ମହିଳା ଜନତା ଦଳର ସାଙ୍ଗଠନିକ ବୈଠକ ଜିଲା ସଭାପତି ସରୋଜ କର୍ଣ୍ଣଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥିଭାବେ ମହିଳା ଜନତା ଦଳର କନ୍ଧମାଳ ଇନ୍ଚାର୍ଜ ସଂଘମିତ୍ରା ଦଳେଇ ଯୋଗଦେଇ ସଂଗଠନ ଉପରେ ଆଲେଚନା କରିବା ସହିତ ତୃଣମୂଳ ସ୍ତରରେ ସଂଗଠନ ଯେଭଳି ଭାବେ ସୁଦୃଢ ହୋଇ ପାରିବ ସେ ଦିଗରେ କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ। ଜିଲା ମହିଳା ସଭାନେତ୍ରୀ ସୁଶ୍ରୀ ଅନିମା କହଁର ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ଅନ୍ୟମାନଙ୍କ ମଧ୍ୟରେ ଫୁଲବାଣୀ ବିଧାୟକ ଅଙ୍ଗଦ କହଁର, ବାଲିଗୁଡ଼ା ବିଧାୟକ ଚକ୍ରମଣି କହଁର ଓ ଜିଲା ପରିଷଦ ଅଧ୍ୟକ୍ଷା ଶ୍ରୀମତି ଆକାଂକ୍ଷା ପ୍ରଧାନ ପ୍ରମୁଖ ଯୋଗଦେଇ ଜିଲାର ବିଜୁ ମହିଳା ତନତା ଦଳର ସଂଗଠନ ସୁଦୃଢ ଉପରେ ଆଲୋକାପାତ କରିଥିଲେ। ଏହି ଅବସରରେ ନୂତନ ସଦସ୍ୟ ମାନଙ୍କ ପାଇଁ ଏକ ତଥ୍ୟ ସମ୍ମଳିତ ପୃଷ୍ଟା ଉନ୍ମୋଚିତ ହୋଇଥିଲା। ଅନୁଷ୍ଠିତ କାର୍ଯ୍ୟକ୍ରମରେ ଜିଲାର ପ୍ରତ୍ୟେକ ବ୍ଳକ ସ୍ତରୀୟ ମହିଳା ସଭାପତି, ସଂପାଦକ ଓ ପୌର ପରିଷଦ, ଏନ୍ଏସି ସମେତ ସମସ୍ତ ମହିଳା ଜିଲା ପରିଷଦ ସଭ୍ୟା, ବ୍ଳକ ଅଧ୍ୟକ୍ଷା ଓ ଅନ୍ୟମାନେ ଯୋଗଦେଇ ଆଲୋଚନାରେ ଭାଗନେଇଥିଲେ।
Comments are closed.