ବିଷମକଟକ: ବିଷମକଟକ ଥାନା ଅନ୍ତର୍ଗତ କିରିବିରୀ ଛକ ନିକଟ ଜଙ୍ଗଲରୁ ଜଣେ ଯୁବତୀର ମୃତଦେହ ଉଦ୍ଧାର ହୋଇଥିବା ବେଳେ ପ୍ରେମ ସମ୍ପର୍କ ନେଇ ଯୁବତୀକୁ ହତ୍ୟା କରାଯାଇଥିବା ସନ୍ଦେହ କାରାଯାଉଛି। ମୃତ ଯୁବତୀ ଜଣକ ବିଷମକଟକ ବ୍ଲକ କୋଲନୀର ନିତୁ ନାଉରି ବୋଲି ଜଣାପଡିଛି। ଦୀର୍ଘଦିନ ହେବ ଗୁଣୁପୁର ମରାଠିଗୁଡାର ମାନୁଆଲ ଶବର ନାମକ ଜଣେ ଯୁବକ ଯୁବତୀଙ୍କୁ ପ୍ରେମ କରୁଛି ଓ ବାହା ହେବାକୁ ଚାହୁଛି କହି ଯୁବତୀଙ୍କ ଘରକୁ ଯିବା ଆସିବା କରୁଥିଲେ। ହେଲେ ଯୁବତୀଙ୍କ ପରିବାର ମନା କରିଦେବାରୁ ଗତକାଲି ଅପରାହ୍ନ ସମୟରେ ଯୁବତୀଙ୍କୁ ଫୋନ୍ କରି ଡାକିଥିଲେ ଯୁବକ। ସେ ହୁଏତ ଯୁବତୀଙ୍କୁ ହତ୍ୟା କରିଥାଇ ପାରନ୍ତି ବୋଲି ପରିବାର ଲୋକେ ଅଭିଯୋଗ କରିଛନ୍ତି।
ପ୍ରେମିକକୁ ବିଷମକଟକ ପୁଲିସ୍ ଅଟକ ରଖି ପଚରାଉଚୁରା କରୁଛି। ଘଟଣାସ୍ଥଳରେ ପୁଲିସ ଓ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ପକ୍ରିୟାକୁ ଆରମ୍ଭ କରିଥିବା ବେଳେ ପୁଲିସ ମୃତଦେହ ବ୍ୟବଛେଦ ପାଇଁ ପଠାଇଛି। ସେପଟେ ତଦନ୍ତକରି ଅଭିଯୁକ୍ତଙ୍କୁ କଠୋର ଦଣ୍ଡ ଦେବାପାଇଁ ପରିବାର ତରଫରୁ ଦାବି ହୋଇଛି।
Comments are closed.