ଆରଡି : ଭଦ୍ରକ ଜିଲା ଚାନ୍ଦବାଲି ବ୍ଲକ ଅଧିନସ୍ଥ ଆରଡିପୀଠରେ ଥିବା ସ୍ୱାମୀ ବିବେକାନନ୍ଦ ଶିକ୍ଷା କେନ୍ଦ୍ରରେ ଗାନ୍ଧୀ ଜୟନ୍ତୀ ମହାସମାହୋରରେ ପାଳିତ ହୋଇଯାଇଛି। ଏହି ଅବସରରେ ବିଦ୍ୟାଳୟ ପରିସରରେ ଏକ ସଭା ଅନୁଷ୍ଠିତ ହେବା ସହିତ ଅଧ୍ୟୟନ କରୁଥିବା ଛାତ୍ରଛାତ୍ରୀମାନେ ଶୋଭାଯାତ୍ରାରେ ବାହାରି ଫ୍ଲାଗକାର୍ଡ ଧରି ସ୍ୱଛ ଭାରତ ନିମନ୍ତେ ସଚେତନତା ବାର୍ତ୍ତା ଦେଇ ବିଭିନ୍ନ ଗାଁ ଓ ସାହି ପରିକ୍ରମା କରିଥିଲେ। ଘର ଆଗରେ ଅଳିଆ ଆବର୍ଜନା ନପକାଇବା, ନିଜ ଗାଁ ପରିବେଶକୁ ସଫା ରଖିବା ଆଦି ଭିନ୍ନଭିନ୍ନ ପ୍ରକାର ଫ୍ଲାଗକାର୍ଡ ଛାତ୍ରଛାତ୍ରୀମାନେ ହାତରେ ଧରିଥିବା ଦେଖିବାକୁ ମିଳିଥିଲା। ବିଶେଷକରି ଆରଡିପୀଠ ଏକ ଶୈବକ୍ଷେତ୍ର ହୋଇଥିବାରୁ ପ୍ରତିଦିନ ଏହି ପର୍ଯ୍ୟଟନସ୍ଥଳକୁ ସହସ୍ରାଧିକ ପର୍ଯ୍ୟଟକମାନେ ଆସିଥାନ୍ତି। ଏହାକୁ ଦୃଷ୍ଟିରେ ରଖି ଏହି ପର୍ଯ୍ୟଟନସ୍ଥଳକୁ ସଫା ସୁତୁରା ରଖିବା ପାଇଁ ଛାତ୍ରଛାତ୍ରୀମାନେ ସ୍ଲୋଗାନ ଦେଇଥିଲେ। ଏହି ଅଭିଯାନରେ ଶିକ୍ଷାକେନ୍ଦ୍ରର ପ୍ରଧାନ ଆଚାର୍ଯ୍ୟ ପ୍ରଦୀପ ନାୟକ, ସହକାରୀ ଶିକ୍ଷକ ଉମାକାନ୍ତ ମଲିକ, ସରୋଜିନ ବିଶ୍ୱାଳ, ଦେବସ୍ମିତା ପାଢୀ, ସୁନିତା ବାରିକ, ମାଳତୀଲତା ମହାକୁଡ, ବିକାଶ ସାହୁଙ୍କ ସହ ବହୁ ଅଭିଭାବକ ଯୋଗ ଦେଇଥିଲେ।
Popular Categories
Previous article
Next article