ଭଦ୍ରକ : ଜନ୍ମରୁ ଦୁଇଟି ହାତ ନାହିଁ ଜଗନ୍ନାଥଙ୍କର। ଗୋଡ଼ରେ ଲେଖି ସେ ସ୍ନାତକ ଉତ୍ତୀର୍ଣ୍ଣ ହୋଇଛନ୍ତି। ଜଗନ୍ନାଥ ଏବେ ଭଦ୍ରକ ଜିଲା ଶ୍ରମ ବିଭାଗ କାର୍ଯ୍ୟାଳୟରେ ପିଅନ ଭାବେ କାର୍ଯ୍ୟରତ। ତାଙ୍କ ନିଯୁକ୍ତି କିନ୍ତୁ ନିୟମିତ ନୁହେଁ। ଠିକା ସଂସ୍ଥା(ଆଉଟସୋର୍ସିଂ) ଜରିଆରେ ଦୀର୍ଘ ୧୨ ବର୍ଷ ହେଲା ସେ ନିୟୋଜିତ। ଚାକିରିକୁ ନିୟମିତ(ସ୍ଥାୟୀ) କରିବା ଦାବିରେ ଜଗନ୍ନାଥ ଡିସେମ୍ବର ୩ ତାରିଖ(ବିଶ୍ୱ ଭିନ୍ନକ୍ଷମ ଦିବସ)ରେ ଜଗା ରାଜଧାନୀ ଲୋୟର ପିଏମଜିରେ ଅନଶନ କରିବେ ବୋଲି ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି। ଅନଶନରେ ବସିବା ଲାଗି କାର୍ଯ୍ୟାଳୟରୁ ଦରଖାସ୍ତ ଦେଇ ଛୁଟି ବି ନେଇଥିବା ସେ ‘ସମାଜ’କୁ କହିଛନ୍ତି। ଜଗନ୍ନାଥଙ୍କ ଘର ଚାନ୍ଦବାଲି ବ୍ଲକ ଜନ୍ତୁଆଲି ନୂଆଗାଁରେ। ଗରିବ ପରିବାରରେ ଜନ୍ମିତ ଜଗନ୍ନାଥ ଗୋଡ଼ରେ ଲେଖି ମାଟ୍ରିକ ପାସ ପରେ ଚର୍ଚ୍ଚାକୁ ଆସିଥିଲେ। ପରେ ସେ ସ୍ନାତକ ଉତ୍ତୀର୍ଣ୍ଣ ହୋଇଥିଲେ। ସ୍ଥାୟୀ ଚାକିରିଟିଏ ପାଇଁ ବାରମ୍ବାର ଗୁହାରି ପରେ ଏକ ଠିକା ସଂସ୍ଥାରେ ତାଙ୍କୁ ପିଅନ ଚାକିରି ମିଳିଥିଲା।
Popular Categories
Previous article
Next article