ଭୁବନେଶ୍ୱର : ବ୍ୟାଙ୍କ ଅଫ୍ ଇଣ୍ଡିଆ, ଭୁବନେଶ୍ୱର ଅଞ୍ଚଳ ପକ୍ଷରୁ ୧୪ ସେପ୍ଟେମ୍ବର ୨୦୨୨ରିଖରୁ ୧୪ ଅକ୍ଟୋବର ୨୦୨୨ରିଖ ପର୍ଯ୍ୟନ୍ତ ହିନ୍ଦୀ ମାସ ସମାରୋହ ଉତ୍ସାହର ସହ ପାଳିତ ହୋଇଯାଇଛି । ଏହି ଅବସରରେ ବିଭିନ୍ନ ପ୍ରକାରର ପ୍ରତିଯୋଗିତା ତଥା ସମାଚାର ପଠନ, ଇ-ମେଲ୍ ପ୍ରତିଯୋଗିତା, ହିନ୍ଦୀରେ ସର୍ବାଧିକ କାର୍ଯ୍ୟ, ରଚନା, ବିଜ୍ଞାପନ ଲେଖନ, ସ୍ଲୋଗାନ ପ୍ରତିଯୋଗିତା, ସଂଗୀତ ଗାନ ଆଦି ଆୟୋଜନ କରାଯାଇଥିଲା ।
୧୪ ସେପ୍ଟେମ୍ବର ୨୦୨୨ରିଖରେ ହିନ୍ଦୀରେ କାର୍ଯ୍ୟ କରିବା ନିମନ୍ତେ ଏକ ଶପଥ ଗ୍ରହଣ ସମାରୋହ ମଧ୍ୟ ଆୟୋଜିତ ହୋଇଥିଲା । ଏଥି ସହିତ ହିନ୍ଦୀ ସନ୍ଦେଶ ମଧ୍ୟ ପଠନ କରାଯାଇଥିଲା । ହିନ୍ଦୀ ମାସ ସମାରୋହ ଅବସରରେ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାର ବିଜେତାମାନଙ୍କୁ ପ୍ରମାଣ ପତ୍ର ଓ ପୁରସ୍କାର ପ୍ରଦାନ କରାଯାଇଥିଲା । ଏନ୍ବିଜି (ଇଷ୍ଟ)ର ମହାପ୍ରବନ୍ଧକ ମନୋଜ କୁମାର ସିଂଙ୍କ ଦ୍ୱାରା ପୁରସ୍କାର ବିତରଣ କରାଯାଇଥିଲା ।
ହିନ୍ଦୀ ଆମର ରାଜଭାଷା ଓ ଆମକୁ ଅଧିକରୁ ଅଧିକ କାର୍ଯ୍ୟ ହିନ୍ଦୀରେ କରିବା ଉଚିତ୍ ବୋଲି ଶ୍ରୀ ସିଂ କହିଥିଲେ । ବ୍ୟାଙ୍କର ଆଞ୍ଚଳିକ ପ୍ରବନ୍ଧକ ମଳୟ ଦାସ ଏସ୍ ଓ ଉପ ଆଞ୍ଚଳିକ ପ୍ରବନ୍ଧକ ଅଶୋକ କୁମାର ଜେନା ଏହି ଅବସରରେ ଉପସ୍ଥିତ ଥିଲେ । ସମସ୍ତ ପ୍ରତିଯୋଗିତାରେ ସମସ୍ତ ଅଞ୍ଚଳର କର୍ମଚାରୀମାନେ ଅଂଶଗ୍ରହଣ କରିଥିଲେ । ରାଜଭାଷାର ବରିଷ୍ଠ ପ୍ରବନ୍ଧକ ସୋନିଆ ସାୱନ୍ତ କାର୍ଯ୍ୟକ୍ରମ ପରିଚାଳନା କରିଥିଲେ ।
