ଭୋପାଳ : ଗୋଟିଏ ପଟେ ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ହଜାର ହଜାର ବୃକ୍ଷ କାଟି ଦେବାର ଯୋଜନା ଚାଲିଥିବା ବେଳେ ଅନ୍ୟପଟେ ମଧ୍ୟପ୍ରଦେଶର ରାଜଧାନୀ ଭୋପାଳଠାରେ ଗୁରୁବାର ଏକ ଲିମ୍ବ ବୃକ୍ଷର ଜନ୍ମଦିନ ପାଳନ କରାଯାଇଛି। ୨୩ତମ ଜନ୍ମଦିନ ଅବସରରେ ସହରବାସୀ କେକ୍ କାଟି ଉତ୍ସବ ପାଳନ କରିଛନ୍ତି। ବିଗତ ୨୩ ବର୍ଷ ହେବ ଜୁନ୍ ୨୧ରେ ସହରବାସୀ ଏମିତି ଏହି ଲିମ୍ବ ବୃକ୍ଷର ଜନ୍ମଦିନ ପାଳନ କରିଆସୁଛନ୍ତି। ବିଏଚ୍ଇଏଲ୍ର ଅବସରପ୍ରାପ୍ତ ମହାପ୍ରବନ୍ଧକ ବିଜୟ ଯୋଶୀ ଏବଂ ଆଦର୍ଶ ମର୍କେଟଙ୍କ ସମେତ ସ୍ଥାନୀୟ କିଛି ବ୍ୟବସାୟୀ ମିଶି ୨୩ ବର୍ଷ ପୂର୍ବେ ଏହି ଲିମ୍ବ ବୃକ୍ଷ ରୋପଣ କରି ନିଜ ପୁତ୍ର ସଦୃଶ ଯତ୍ନ ନେଇଥିଲେ। ପରବର୍ତ୍ତୀ ପିଢିକୁ