ଭବାନୀପାଟଣା: ଆଜି ରାତିରେ ଭବାନିପାଟଣା ଜୁନାଗଡ଼ ୨୬ ନମ୍ବର ଜାତୀୟ ରାଜପଥରେ ବସ ଚାପାରେ ୪ ମଇଁଷିଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ସୂଚନା ମିଳିଛି। ସେହିପରି ଏହି ଘଟଣାରେ ଦୁଇ ମଇଁଷି ଗୁରୁତର ଥିବା ଜଣାପଡିଛି।
ସୂଚନା ଅନୁଯାୟୀ ଆଜି ରାତି ପ୍ରାୟ ୮.୩୦ ବେଳେ ଶଗଡା ନଦୀ ପୋଲ ନିକଟରେ ଏକ ଦ୍ରୁତଗାମୀ ଘରୋଇ ବସ ଏକ ମଇଁଷି ପଲକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ୪ଟି ମଇଁଷିଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା। ରାସ୍ତା ଉପରେ ବିଛାଡ଼ି ହୋଇ ପଡ଼ିଥିବା ମଇଁଷିଙ୍କୁ କିଛି ବ୍ୟକ୍ତି ରାସ୍ତା କଡ଼କୁ ନେଇଥିଲେ। ଫଳରେ ସେହି ରାସ୍ତାଦେଇ ଯାତାୟାତ କରୁଥିବା ଲୋକେ ନିଶ୍ଚିତ ଦୁର୍ଘଟଣାରୁ ବର୍ତ୍ତି ଯାଇଛନ୍ତି। ଖବର ପାଇ ଜୁନାଗଡ଼ ଥାନା ପୁଲିସ ଏବଂ ଭ୍ରାମ୍ୟମାଣ ପଶୁ ଚିକିତ୍ସା ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି। ଦୁର୍ଘଟଣା ଘଟାଇଥିବା ବସକୁ ଠାବ କରାଯାଇନଥିଲେ ମଧ୍ୟ ଭୁବନେଶ୍ୱର ଯାଉଥିବା ବସ ହୋଇଥାଇପାରେ ବୋଲି ଅନୁମାନ କରାଯାଉଛି।
Comments are closed.