ତିଗିରିଆ : ନୂଆପାଟଣା ଯୋଗ ଜିଲ୍ଲା ତରଫରୁ ଭାରତୀୟ ଯୋଗ ସଂସ୍ଥାନ (ନୂଆଦିଲ୍ଲୀ)ର ୫୭ତମ ପ୍ରତିଷ୍ଠା ଦିବସ ନୂଆପାଟଣାସ୍ଥିତ ପତିତପାବନଜୀଉ ମନ୍ଦିର ପରିସରରେ ସୋମବାର ମହାସମାରୋହରେ ପାଳିତ ହୋଇଯାଇଛି। ଓଡିଶା ପ୍ରାନ୍ତର ପ୍ରାନ୍ତପ୍ରଧାନ ସୁରେଶଜୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ୟ୍ୟକ୍ରମରେ ଏମ୍. ରାମେୟା ରେଡ୍ଡୀ ମୁଖ୍ୟ ଅତିଥି, ରଘୁନାଥ ରେଡ୍ଡୀ ସମ୍ମାନିତ ଅତିଥି ଓ ଆପ୍ପାରାଓଜୀ ମୁଖ୍ୟ ବକ୍ତା ଭାବେ ଯୋଗଦେଇ ସଂସ୍ଥାନର ସ୍ଥାପନା ସମ୍ପର୍କରେ ଆଲୋକପାତ କରି ଆସନ, ପ୍ରାଣାୟାମ ଓ ଧ୍ୟାନ ଦ୍ଵାରା ଶରୀର, ମନ ଓ ଚିତ୍ତ ଶୁଦ୍ଧି କରାଯାଇ ପାରିବ ବୋଲି ଉପଦେଶ ପ୍ରଦାନ କରିଥିଲେ। କାର୍ଯ୍ୟକ୍ରମକୁ ଯୋଗ ଜିଲ୍ଲାର ଜିଲ୍ଲା ପ୍ରଧାନ ଦୁର୍ଯ୍ୟୋଧନଜୀ ପରିଚାଳନା କରିଥିବା ବେଳେ ଜିଲ୍ଲା ମନ୍ତ୍ରୀ ପୁଷ୍ପାଞ୍ଜଳିଜୀ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ନୂଆପାଟଣା ଯୋଗ ଜିଲ୍ଲାର ଶତାଧିକ ସାଧକ ସାଧିକା ଯୋଗଦାନ କରିଥିଲେ।
Comments are closed.