ତିରୁଅନନ୍ତପୁରମ୍: ଭାରତ ଯୋଡ଼ୋ ଯାତ୍ରାରେ ବାହାରିଥିବା କଂଗ୍ରେସର ବରିଷ୍ଠ ନେତା ରାହୁଲ ଗାନ୍ଧୀ ନିଜ ଲକ୍ଷ୍ୟ ପୂରଣ ନେଇ ଆଶାବାଦୀ ଥିବା ସୂଚନା ଦେଇଛନ୍ତି। ଟ୍ବିଟର୍ରେ ଏକ ବାର୍ତ୍ତା ଛାଡ଼ି ରାହୁଲ ଦର୍ଶାଇଛନ୍ତି ଭାରତର ସ୍ବପ୍ନ ଭାଙ୍ଗିଛି, ତେବେ ସଂପୂର୍ଣ୍ଣ ମୂଳପୋଛ ହୋଇ ନାହିଁ। ଭାରତ ଯୋଡ଼ୋ ଯାତ୍ରା ମାଧ୍ୟମରେ ସେହି ସ୍ବପ୍ନ ପୂରଣ କରିବାକୁ ସେ ବାହାରିଛନ୍ତି ଏବଂ ଏଥିରେ ସଫଳ ହେବେ। ଇତିମଧ୍ୟରେ କେରଳରେ ବର୍ଷା ସତ୍ତ୍ବେ ରାହୁଲ ପଦଯାତ୍ରା ଜାରି ରଖିଥିବା ଜଣାପଡ଼ିଛି। ବହୁ ସଂଖ୍ୟକ ଜନସାଧାରଣ ରାହୁଲଙ୍କ ସହ ଏହି ଯାତ୍ରାରେ ସାମିଲ ହୋଇଥିବା ଦେଖିବାକୁ ମିଳିଥିଲା। ମଙ୍ଗଳବାର ସକାଳ ୭.୧୫ରେ ଏହି ଯାତ୍ରା କନ୍ୟାପୁରମ୍ରୁ ଆରମ୍ଭ ହୋଇଥିଲା। ଏହି ଯାତ୍ରା ସମୟରେ ରାହୁଲ ବିଭିନ୍ନ ବର୍ଗର ଲୋକଙ୍କ ସହ ସାକ୍ଷାତ ଆଲୋଚନା କରିଥିଲେ। ରାହୁଲ ନିଜ ପ୍ରତିକ୍ରିୟାରେ କହିଥିଲେ ହିଂସା, େଦ୍ବଷ ଦ୍ବାରା ନିର୍ବାଚନ ଜିତି ହେବ କିନ୍ତୁ ଦେଶର ସାମାଜିକ-ଅର୍ଥନୈତିକ ସମସ୍ୟାର ସମାଧାନ ହୋଇପାରିବ ନାହିଁ।
Comments are closed.