ଭଦ୍ରକ : ଭଦ୍ରକ ଜିଲା ଗେଲଟିଆ କୁଆପଦା ଛକଠାରେ ବ୍ୟାଙ୍କ କର୍ମଚାରୀଙ୍କ ଠାରୁ ବନ୍ଧୁକ ଦେଖାଇ ୩୦ ଲକ୍ଷ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି। ଖବରଅନୁସାରେ ଭଦ୍ରକ ଜିଲାର ୟୁକୋ ବ୍ୟାଙ୍କ କର୍ମଚାରୀମାନେ କଚେରୀ ବଜାରଠାରେ ଥିବା ପିଏନବି ବ୍ୟାଙ୍କ ଶାଖାରୁ ୩୦ ଳକ୍ଷ ଟଙ୍କା ଉଠାଇ ଜଳଙ୍ଗାରେ ଥିବା ୟୁକୋ ବ୍ୟାଙ୍କ ଶାଖାକୁ ଏକ କାର ଯୋଗେ ଯାଉଥିଲେ। ରାସ୍ତାରେ କୁଆପଦା ଛକଠାରେ ୩ଜଣ ମୁଖାପିନ୍ଧା ଦୁର୍ବୃତ୍ତ ଏକ ପଲସର ବାଇକରେ ଆସି ବନ୍ଧୁକ ଦେଖାଇ, ସେମାନଙ୍କୁ ଧମକାଇ ୩୦ଲକ୍ଷ ଟଙ୍କା ଲୁଟି ନେଇଥିଲେ। ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
