ଭବାନିପାଟଣା: ଜଣେ ନାବାଳିକାକୁ ଯୌନ ନିର୍ଯାତନା ଦେବା ମାମଲାର ବିଚାର କରି ସ୍ଥାନୀୟ ପୋକ୍ସ କୋର୍ଟ ବିଚାରପତି ଶୁଭଞ୍ଜନ ମହାନ୍ତି ଦୋଷୀକୁ ଦୁଇବର୍ଷ କାରାଦଣ୍ଡ ଆଦେଶ ଦେଇଛନ୍ତି। ଅଭିଯୋଗ ଅନୁଯାୟୀ ଗତ ୨୪.୦୪.୨୦୨୧ ଦିନ ନାବାଳିକା ଜଣକ ସମ୍ପର୍କୀୟ ସୁଧୀର ପୁଟେଲ (୨୪) ସହ ପଂଚାୟତ ଅଫିସକୁ ଯାଇଥିଲେ। ତେବେ ରାସ୍ତାରେ ସୁଧିର ପୁଟେଲ ନାବାଳିକାକୁ ଯୌନ ନିର୍ଯାତନା ଦେଇଥିବା ଅଭିଯୋଗ ହେଇଥିଲା।
ଏନେଇ ସ୍ଥାନୀୟ ସଦର ଥାନାରେ ନାବାଳିକା ର ବାପା ଲିଖିତ ଅଭିଯୋଗ ପରେ ପୋଲିସ ତଦନ୍ତ କରି ଅଭିଯୁକ୍ତ ସୁଧୀର ପୁଟେଲ କୁ କୋର୍ଟ ଚାଲାଣ କରିଥିଲା। ଏହି ଘଟଣାରେ ୧୩ଟି ସାକ୍ଷ୍ୟ ଏବଂ ୧୪ ଟି ପ୍ରମାଣ କୁ ଭିତ୍ତି କରି ଦୋଷୀ ସୁଧିର ପୁଟେଲ (୨୪) କୁ ଆଜି ବିଚାରପତି ଦୁଇବର୍ଷ କାରାଦଣ୍ଡ ଆଦେଶ ଦେଇଛନ୍ତି। ଏଥି ସହିତ ପୀଡିତାକୁ ଦେଢ଼ ଲକ୍ଷ ଟଙ୍କା କ୍ଷତି ପୁରଣ ଦେବାକୁ ଡିଏଲଏସଏକୁ ନିର୍ଦ୍ଦେଶ ଦେଇଛନ୍ତି। ଏହି ମାମଲା କୁ ସରକାରୀ ଓକିଲ ରୋହିତ ମିଶ୍ର ପରିଚାଳନା କରୁଥିଲେ।
