୧୧ ଡକାୟତ ଗିରଫ

ବ୍ରହ୍ମପୁର : ଗୋଶାଣିନୁଆଗାଁ ଥାନା ଅଧୀନ ସଦାନନ୍ଦ ବିହାର ଅଞ୍ଚଳର ଏନ କମଳାଙ୍କ ଘରୁ ହୋଇଥିବା ଡକାୟତି ଘଟଣାରେ ସଂପୃକ୍ତ ୧୧ ଡକାୟତଙ୍କୁ ପୁଲିସ୍ ଗିରଫ କରି କୋର୍ଟ ଚାଲାଣ କରିଛି । ସେମାନଙ୍କଠାରୁ କିଛି ଟଙ୍କା ଓ ଅଳଙ୍କାର ସହିତ ମାରଣାସ୍ତ୍ର ଜବତ କରାଯାଇଛି । ଗିରଫ ଡକାୟତଙ୍କ ମଧ୍ୟରେ ୫ ଜଣଙ୍କ ଘର ବାଉରୀ ସୁକୁଣ୍ଡାର ହୋଇଥିବା ବେଳେ ୩ ଜଣଙ୍କ ଘର ଗୋଲା ରଘୁନାଥପୁର ଓ ୩ ଜଣଙ୍କ ଘର ଅଙ୍କୁଶପୁର ଅଞ୍ଚଳରେ ବୋଲି ପୁଲିସ୍ ସୂତ୍ରରୁ ପ୍ରକାଶ । ଗିରଫ ସମସ୍ତଙ୍କ ବିରୋଧରେ ଵ୍ରହ୍ମପୁରର ବିଭିନ୍ନ ଥାନାରେ ଏକାଧିକ ମାମଲା ରହିଛି । ଏହି ଡକାୟତି ଘଟଣାରେ ସଂପୃକ୍ତ ଆଉ ୩ରୁ ୪ ଜଣ ଡକାୟତଙ୍କୁ ତୁରନ୍ତ ଗିରଫ କରାଯିବ ବୋଲି ପୁଲିସ୍ ପ୍ରକାଶ କରିଛି ।