ବିଦେଶ ମନ୍ତ୍ରୀ ପଦ ଛାଡିଲେ ଇସ୍ରାଏଲ ପ୍ରଧାନମନ୍ତ୍ରୀ ନେତନ୍ୟାହୁ

ନୂଆଦିଲ୍ଲୀ: ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ ରବିବାରଦିନ ୨୦୧୫ରୁ ନିଜେ ସମ୍ଭାଳୁ ଥିବା ବିଦେଶ ମନ୍ତ୍ରୀ ଦାୟିତ୍ଵ ଗୁଇନ୍ଦା ବିଭାଗ ମନ୍ତ୍ରୀ ଇଜ଼ରାଏଲ କାଜ଼ଙ୍କୁ ପ୍ରଦାନ କରିଛନ୍ତି । ଭଲ ଶାସନ ବ୍ୟବସ୍ଥା ପାଇଁ ପ୍ରଧାନମନ୍ତ୍ରୀ ବିଦେଶ ମନ୍ତ୍ରୀ ପଦ ତ୍ୟାଗ କରିବା ନେଇ ଅଦାଲତରେ ମାମଲା ହେବା ପରେ ସେ ଏଭଳି ନିଷ୍ପତ୍ତି ନେଇଥିବା ଜଣାପଡିଛି । ସେଠାକାର ସରକାରୀ ସୂତ୍ରରୁ ମିଳିଥିବା ସୂଚନା ଅନୁଯାୟୀ କାଜ଼ ଉଭୟ ଗୁଇନ୍ଦା ବିଭାଗ ଓ ପରିବହନ ବିଭାଗ ଦାୟିତ୍ୱରେ ରହିବେ ଏବଂ ଏପ୍ରିଲ ୯ରେ ହେବାକୁ ଥିବା ସଂସଦୀୟ ନିର୍ବାଚନ ମାଧ୍ୟମରେ ଜିତିବା ପରେ ବିଦେଶ ବିଭାଗ ଦାୟିତ୍ୱ ସମ୍ଭାଳିବେ।