ବେଙ୍ଗାଲୁରୁ : କର୍ଣ୍ଣାଟକର ରାଜଧାନୀ ବେଙ୍ଗାଲୁରୁର ରାମେଶ୍ୱରମ କାଫେ ବିସ୍ଫୋରଣର ଆଠ ଦିନ ପରେ ପୁଣି ଗ୍ରାହକଙ୍କ ପାଇଁ ଖୋଲାଯାଇଛି। ଅନ୍ୟ କୌଣସି ଅଘଟଣ ନଘଟିବା ପାଇଁ ଓ ଏହାକୁ ରୋକିବା ପାଇଁ କାଫେରେ ସୁରକ୍ଷା ବ୍ୟବସ୍ଥାର ଆୟୋଜନ କରାଯାଇଛି। ସୁରକ୍ଷା ଯାଞ୍ଚ ବଢାଯିବା ସହ ଯାଞ୍ଚ ପରେ ହିଁ ଗ୍ରାହକଙ୍କୁ କାଫେ ଭିତରକୁ ଯିବା ପାଇଁ ଅନୁମତି ଦିଆଯାଉଛି।
ସୂଚନା ଯୋଗ୍ୟ, ମାର୍ଚ୍ଚ ୧ରେ ବେଙ୍ଗାଲୁରୁର ହ୍ୱାଇଟ୍ଫିଲ୍ଡ ଅଞ୍ଚଳରେ ସ୍ଥିତ ରାମେଶ୍ୱରମ କାଫେରେ ବିସ୍ଫୋରଣ ହୋଇଥିଲା। ଏଥିରେ ଅନେକ ଲୋକେ ଆହତ ହୋଇଥିଲେ। ରାମେଶ୍ୱରମ କାଫେରେ ହୋଇଥିବା ବିସ୍ଫୋରଣ ଘଟଣାରେ ବେଙ୍ଗାଲୁରୁ ପୁଲିସ ଜଣେ ବ୍ୟକ୍ତିକୁ ଗିରଫ କରିଥିଲା। ସେ ବେଙ୍ଗାଲୁରୁର ବାସିନ୍ଦା ବୋଲି ଜଣାପଡିଥିଲା। ରାମେଶ୍ୱରମ କାଫେରେ ବିସ୍ଫୋରଣ ଘଟଣାର ତଦନ୍ତ ଭାର ନେସ୍ନାଲ୍ ଇନ୍ଭେଷ୍ଟିଗେସନ୍ ଏଜେନ୍ସି(ଏନଆଇଏ)କୁ ହସ୍ତାନ୍ତର କରାଯାଇଛି।
Comments are closed.