ସାଧାରଣତଃ କର୍ପୂର ପ୍ରାୟତଃ ସମସ୍ତଙ୍କ ଘରେ ଥିବ। ହେଲେ ସ୍ବାସ୍ଥ୍ୟ ପ୍ରତି ଏହା କେତେ ଉପକାରୀ ଏହା ହୁଏତ ଖୁବ୍ କମ୍ ଲୋକେ ଜାଣିଥିବେ। ଉଭୟ ସ୍ବାସ୍ଥ୍ୟ ଓ ସୌନ୍ଦର୍ଯ୍ୟ ପାଇଁ ଏହା ଖୁବ୍ ଲାଭଦାୟକ ସାବ୍ୟସ୍ତ ହୋଇଥାଏ। ତେବେ ଆସନ୍ତୁ ଜାଣିବା କର୍ପୂରର ଚମତ୍କାରୀ ଗୁଣ ବିଷୟରେ –
-ପେଟ ଯନ୍ତ୍ରଣା ହେଉଥିଲେ, କର୍ପୂର ସହ ଜୁଆଣୀ ଏବଂ ପୋଦିନାକୁ ସର୍ବତରେ ମିଶାଇ ପିଇବା ଦ୍ୱାରା ଆରାମ ମିଳିଥାଏ।
-ଥଣ୍ଡା, ଜ୍ୱର ଏବଂ ଫୁସ୍ଫୁସ୍ ସମ୍ବନ୍ଧୀୟ ସମସ୍ୟା ଭୋଗୁଥିଲେ କର୍ପୂର ସୁଂଘିବା ଦ୍ୱାରା ଲାଭ ମିଳିଥାଏ।
-ପାଦ ଫାଟିଥିଲେ ଏହାର ଅଭ୍ୟର୍ଥ ଔଷଧ ହେଉଛି କର୍ପୂର। ଉଷୁମ ପାଣିରେ କର୍ପୂର ମିଶାନ୍ତୁ ଏହାପରେ ସେହି ପାଣିରେ ପାଦକୁ ବୁଡାଇ ୧୫ ରୁ ୨୦ ମିନିଟ୍ ରଖନ୍ତୁ। ଏହାଦ୍ବାରା ପାଦ ଫଟାରୁ ଆରାମ ମିଳିଥାଏ।
-ତ୍ୱଚା ଲାଲ୍ ହୋଇଯାଇଥିଲେ କର୍ପୂରକୁ ଅଳ୍ପ ପାଣିରେ ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ ଏହାପରେ ଲାଲ୍ ପଡିଥିବା ସ୍ଥାନରେ ଏହାକୁ ଲଗାନ୍ତୁ।
-କେଶ ଝଡ଼ୁଥିଲେ, କର୍ପୂର ତେଲରେ ନଡିଆ ତେଲ ମିଶାଇ ଲଗାଇବା ଦ୍ୱାରା ଏହି ସମସ୍ୟାରୁ ଧୀରେ ଧୀରେ ମୁକ୍ତି ମିଳିଥାଏ। ରୂପି ସମସ୍ୟା ଦୂର କରିବାରେ ମଧ୍ୟ ଏହା ସହାୟକ ହୋଇଥାଏ।
-ଆଣ୍ଠୁ ଯନ୍ତ୍ରଣା ହେଉଥିଲେ, କର୍ପୂର ତେଲ ମାଲିସ୍ କରିବା ଦ୍ୱାରା ଆରାମ ମିଳିଥାଏ। ଏହା ଆଣ୍ଠୁ ଗଣ୍ଠି ସମସ୍ୟା ଥିବା ରୋଗୀଙ୍କ ପାଇଁ ବହୁତ ଲାଭଦାୟକ ହୋଇଥାଏ। ଏହାସହିତ ମାଂସପେଶୀରେ ହେଉଥିବା ଯନ୍ତ୍ରଣାରୁ ମୁକ୍ତି ଦେବାରେ ମଧ୍ୟ ଏହା ସାହାଯ୍ୟ କରିଥାଏ।
