ବେଗୁନିଆ: ବାଘମାରୀ ଥାନା ଅନ୍ତର୍ଗତ ସାରୁଅ ଗ୍ରାମରେ ସ୍ୱାମୀ ସ୍ତ୍ରୀଙ୍କ ମଧ୍ୟରେ କୌଣସି କାରଣକୁ ନେଇ ଗଣ୍ଡଗୋଳ ହେଉଥିବା ବେଳେ ଗଣ୍ଡଗୋଳର ସମାଧାନ କରିବାକୁ ଯାଇ ଶଳା ଭିଣୋଇ ଛୁରାମାଡ଼ରେ ଆହତ ହୋଇଥିବାର ଜଣାପଡିଛି । ଖୋର୍ଦ୍ଧା ଡାକ୍ତରଖାନାରେ ଚିକିତ୍ସିତ ହେବା ପରେ ଶଳା ଭିଣୋଇ ନାମରେ ଗତକାଲି ରାତି ୧୧ଟାରେ ଥାନାରେ ଅଭିଯୋଗ କରିଥିବାର ଜଣାପଡିଛି । ସୂଚନା ମତାବକ ସାରୁଅ ଗ୍ରାମର ବାନାମ୍ବର ମହାଭୋଇଙ୍କ ଭଉଣୀକୁ ବେଗୁନିଆ ଗ୍ରାମର ପଦ୍ମନାଭ ବେହେରା ବିବାହ କରିଥିଲେ । କୌଣସି କାରଣକୁ ନେଇ ସ୍ୱାମୀ ସ୍ତ୍ରୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଭାଇ ବାନାମ୍ବର ଘଟଣାର ସମାଧାନ କରିବା ପାଇଁ ଉଭୟଙ୍କୁ ବୁଝାସୁଝା କରିବା ସମୟରେ ଭିଣୋଇ ପଦ୍ମନାଭ ଉତକ୍ଷିପ୍ତହୋଇ ଶଳାର ମୁଣ୍ଡକୁ ଛୁରା ମାଡ଼ କରିଥିଲା । ଶଳା ଆହତ ହୋଇ ସଙ୍ଗେ ସଙ୍ଗେ ଖୋର୍ଦ୍ଧା ଡାକ୍ତରଖାନାକୁ ଚିକିତ୍ସା ନିମନ୍ତେ ଯାଇଥିଲେ । ପ୍ରାଥମିକ ଚିକିତ୍ସା ପରେ ସେ ବାଘମାରୀ ଥାନାରେ ଭିଣୋଇ ନାମରେ ମାମଲା ରୁଜୁ କରିଥିବାର ଜଣାପଡିଛି ।
Comments are closed.