ବୁର୍ଲା : ବୁର୍ଲା ସ୍ଥିତ ବୀରସୁରେନ୍ଦ୍ର ସାଏ ବୈଷୟିକ ଶିକ୍ଷାନୁଷ୍ଠାନ(ଭିସୁଟ୍)ର ଚାରିଜଣ ଛାତ୍ରଛାତ୍ରୀ ମହୁମାଛି ଆକ୍ରମଣରେ ଆହତ ହୋଇଥିବା ସୂଚନା ମିଳିଛି । ଏଥିରେ ଚାରିଜଣ ଯାକ ଆହତ ହୋଇଥିବା ବେଳେ ସେମାନଙ୍କୁ ଅସୁସ୍ଥ ଅବସ୍ଥାରେ ଭିମସାରରେ ଭର୍ତ୍ତି କରାଯାଇଛି। ତେବେ ଏହି ଛାତ୍ରମାନେ କେଉଁ ବିଭାଗର ଛାତ୍ରଛାତ୍ରୀ ଏବଂ କେଉଁ ସ୍ଥାନରେ ଏଭଳି ମହୁମାଛି ଆକ୍ରମଣ ଶିକାର ହେଲେ ତାହା ସ୍ପଷ୍ଟ ଜଣାପଡିନାହିଁ । ତେବେ ତିନିଛାତ୍ରଙ୍କୁ ପୁରୁଷ ମେଡିସିନ ବିଭାଗ ଏବଂ ଜଣେ ଛାତ୍ରୀଙ୍କୁ ମହିଳା ମେଡିସିନ୍ ବିଭାଗରେ ଭର୍ତ୍ତି କରାଯାଇ ସେମାନଙ୍କ ଚିକିତ୍ସା ଚାଲିଥିବା ଜଣାପଡିଛି । ତେବେ ସମସ୍ତଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଥିବା କୁହାଯାଉଛି। ମହୁମାଛି ଆକ୍ରମଣର ଶିକାର ହୋଇଥିବା ଚାରିଜଣ ହେଲେ ଚିନ୍ମୟ ଦାସ, ସୁଭମ ନାୟକ, ମାନସ ସିଂ ଏବଂ ସ୍ୱେତାଳିନା ରାଉତ ବୋଲି ମେଡିକାଲ ସୂତ୍ରରୁ ସୂଚନା ମିଳିଛି।
Popular Categories
Previous article
Next article