ଭଦ୍ରକ: ଭଦ୍ରକ ଜିଲ୍ଲା ଆଗରପଡ଼ା ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ଅଭାବନୀୟ ଘଟଣା ଘଟିଛି। ସାଲାଇନ ଦେବାକୁ ମନା କରିବାରୁ ଫର୍ମାସିଷ୍ଟଙ୍କୁ ନିସ୍ତୁକ ମାଡ ମରାଯାଇଥିବା ଅଭିଯୋଗ ହୋଇଛି। ସୂଚନା ମୂତାବକ ଆଗରପଡା ବିଟିପୁର ଗାଁରୁ ଦୁଇ ଜଣ ଯୁବକ ମେଡିକାଲକୁ ଆସିଥିଲେ। ଫାର୍ମାସିଷ୍ଟ ମହେଶ୍ବର ଦାସ ରୋଗୀ ଦେଖୁଥିବାବେଳେ ଦୁଇ ଯୁବକ ଦିପୁନ୍ ସେଠୀ ଏବଂ ଅନ୍ୟ ଜଣେ ଯୁବକ ସାଲାଇନ୍ ମାଗିଥିଲେ। ଡାକ୍ତରଙ୍କ ପ୍ରେସକ୍ରିପସିନ ନାହିଁ,ଡାକ୍ତରଖାନା ବାହାରକୁ ସାଲାଇନ ଦେଇ ହେବନାହିଁ ବୋଲି ମହେଶ୍ବର କହିବାକୁ ଦୁଇ ଜଣ ଯୁବକ ତାଙ୍କୁ ନିସ୍ତୁକ ମାଡ ମାରିଥିଲେ। ଘଟଣାକୁ ନେଇ ଆଗରପଡା ଥାନାରେ ଏତଲା ଦିଆଯାଇଛି। ପୁଲିସ ଏହି ଘଟଣାରେ ଜଣେ ବ୍ୟକ୍ତିଙ୍କୁ ଅଟକ ରଖି ପଚରାଉଚରା କରୁଥିବା ସୂଚନା ମିଳିଛି।
Comments are closed.