ଭୁବନେଶ୍ୱର:ମହାପ୍ରଭୁ ଜଗନ୍ନାଥଙ୍କ ଦର୍ଶନ ପରେ ଆଜି ମହାପ୍ରଭୁ ଶ୍ରୀଲିଙ୍ଗରାଜଙ୍କୁ ନବ ନିଯୁକ୍ତ ରାଜ୍ୟପାଳ ରଘୁବର ଦାସ ଦର୍ଶନ କରିଛନ୍ତି। ସକାଳେ ଲିଙ୍ଗରାଜ ମନ୍ଦିର ଯାଇ ଦର୍ଶନ କରି ପୂଜାର୍ଚ୍ଚନା କରିଛନ୍ତି। ଦର୍ଶନ ସାରି ନୂଆ ରାଜ୍ୟପାଳ କହିଛନ୍ତି, ପ୍ରଭୁଙ୍କ ନିକଟରେ ଓଡିଶାବାସୀଙ୍କ ବିକାଶ ଓ ସମୃଦ୍ଧି କାମନା କରିଛି। ଏହାସହ ଦେଶ,ରାଜ୍ୟର ସୁଖ ସମୃଦ୍ଧି ନେଇ ପ୍ରଭୁଙ୍କ ନିକଟରେ ପ୍ରାର୍ଥନା କରିଛନ୍ତି ବୋଲି ଗଣମାଧ୍ୟମ ସମ୍ମୁଖରେ କହିଛନ୍ତି।
ଓଡିଶାର ୨୬ତମ ରାଜ୍ୟପାଳ ଭାବେ ରଘୁବର ଦାସ ଆଜି ଦିନ ୧୧ଟା ୪୫ରେ ରାଜଭବନରେ ଶପଥ ଗ୍ରହଣ କରିବେ। ହାଇକୋର୍ଟର ମୁଖ୍ୟ ବିଚାରପତି ତାଙ୍କୁ ଶପଥ ପାଠ କରାଇବେ। ରାଜ୍ୟପାଳ ରଘୁବର ଦାସ ୨୦୧୪ ରୁ ୨୦୧୯ ଯାଏଁ ଝାଡଖଣ୍ଡର ମୁଖ୍ୟମନ୍ତ୍ରୀ ଭାବେ କାର୍ଯ୍ୟ କରିଛନ୍ତି।
Comments are closed.