ମୁମ୍ବଇ : ଜନ୍ ଆବ୍ରାହମ୍ଙ୍କ ଅଭିନୀତ ଚଳଚ୍ଚିତ୍ର ‘ବାଟଲା ହାଉସ’ର ନୂଆ ଟିଜର ସୋମବାର ରିଲିଜ୍ ହୋଇଛି। ଜନ୍ ନିଜେ ସାମାଜିକ ଗଣମାଧ୍ୟମରେ ଏହି ଟିଜର ଶେୟାର କରିଛନ୍ତି। ଇଣ୍ଡିଆନ୍ ମୁଜାହିଦୀନ ଆତଙ୍କବାଦୀ ସଙ୍ଗଠନ ବିରୋଧରେ ଦିଲ୍ଲୀର ଜାମିୟା ନଗର ବାଟଲା ହାଉସ ଅଞ୍ଚଳରେ କରାଯାଇଥିବା ‘ଅପରେସନ୍ ବାଟଲା ହାଉସ’ କାହାଣୀକୁ ନେଇ ଚଳଚ୍ଚିତ୍ରଟି ଗତିଶୀଳ ହୋଇଛି। ଟିଜର୍ର ଆରମ୍ଭରେ କିଛି ରାଜନେତା କହୁଛନ୍ତି ଯେ, ଏହି ଏନ୍କାଉଣ୍ଟରରେ ପ୍ରାଣ ହରାଇଥିବା ଯୁବକମାନେ ଛାତ୍ର ଥିଲେ ଓ ଏହା ଏକ ନକଲୀ ଏନ୍କାଉଣ୍ଟର ଥିଲା। ଏହାପରେ ସମ୍ପୂର୍ଣ୍ଣ ଦିଲ୍ଲୀରେ ପୁଲିସକୁ ବିରୋଧ କରୁଥିବା ଦେଖିବାକୁ ମିଳିଛି। ଏହାପରେ ଜନ୍ଙ୍କ କଣ୍ଠ ସ୍ୱର ଶୁଣିବାକୁ ମିଳିଛି। ସେ କହୁଛନ୍ତି, ଆମେ କହୁନାହୁଁ ଯେ ସେମାନେ ଛାତ୍ର ନଥିଲେ, କିନ୍ତୁ କ’ଣ ସେମାନେ ନିର୍ଦ୍ଦୋଷ ଥିଲେ?
ସୂଚନାଯୋଗ୍ୟ, ଭୂଷଣ କୁମାର ଓ ଜନ୍ ଆବ୍ରାହମ୍ଙ୍କ ପ୍ରଯୋଜନାରେ ନିର୍ମିତ ଏହି ଚଳଚ୍ଚିତ୍ରର ନିର୍ଦ୍ଦେଶନା ଭାର ନିଖିଲ୍ ଆଡ଼ଭାନୀ ବହନ କରିଛନ୍ତି। ଚଳଚ୍ଚିତ୍ରରେ ଜନ୍ଙ୍କ ସହିତ ଅଭିନେତ୍ରୀ ମୃଣାଳ ଠାକୁରଙ୍କୁ ଦେଖିବାକୁ ମିଳିବ। ଏହା ଚଳିତ ବର୍ଷ ୧୫ ଅଗଷ୍ଟରେ ମୁକ୍ତିଲାଭ କରିବ।
ରିଲିଜ୍ ହେଲା ‘ବାଟଲା ହାଉସ’ର ନୂଆ ଟିଜର
Popular Categories
Previous article
Next article