ବାସୁଦେବପୁର : ଜିଆରଏସରୁ ପଦୋନ୍ନତି ହୋଇଛି । ହେଲେ ଲାଗିଛି ମନରେଗା କଣ୍ଟା । ଜିଆରଏସ ଥିବା ସମୟରେ ହୋଇଥିବା ଦୁର୍ନୀତି ଅଭିଯୋଗକୁ ନେଇ କାରଣ ଦର୍ଶାଅ ନୋଟିସ ଜାରି କରିଛି ଜିଲ୍ଲା ପ୍ରଶାସନ । ଏମିତି ଘଟଣା ଦେଖିବାକୁ ମିଳିଛି ବାସୁଦେବପୁର ବ୍ଲକ ସୁଦର୍ଶନପୁର ପଞ୍ଚାୟତରେ । ସୁଦର୍ଶନପୁର ପଞ୍ଚାୟତର ବିଭିନ୍ନ ଉନ୍ନୟନମୂଳକ ପ୍ରକଳ୍ପଗୁଡ଼ିକରେ ସରକାରୀ କର୍ମଚାରୀ ଓ ଛାତ୍ର ମନରେଗା ଯୋଜନାରେ ଥିବା ଜବ୍ କାର୍ଡ ମାଧ୍ୟମରେ କାମ କରିଥିବା ସୂଚନା ଆଇନ ବଳରେ ଜାଣିବାକୁ ମିଳିଛି । ତେବେ କିପରି ଭାବରେ ସରକାରୀ କର୍ମଚାରୀ, ଘରୋଇ ଶିକ୍ଷାନୁଷ୍ଠାନରେ କାର୍ଯ୍ୟରତ କର୍ମଚାରୀ ନିଜର କାର୍ଯ୍ୟ କ୍ଷେତ୍ରରେ ନ ରହି ଜବ୍ କାର୍ଡ ମାଧ୍ୟମରେ କାମ କରିଥିଲେ ସେନେଇ ଅଭିଯୋଗ ହୋଇଥିଲା । ସାମାଜିକ କର୍ମୀ ତପନ କୁମାର ବାରିକଙ୍କ ଅଭିଯୋଗକୁ ଭିତ୍ତି କରି ଜିଲ୍ଲା ପ୍ରଶାସନ ପକ୍ଷରୁ ଚିଠି ନମ୍ବର ୧୨୧୦ ମାଧ୍ୟମରେ କାରଣ ଦର୍ଶାଅ ନୋଟିସ ଜାରି ହୋଇଛି ।
Comments are closed.