ବାସୁଦେବପୁର : ବାସୁଦେବପୁର ଥାନା କ୍ଷେତ୍ରରେ ଚୋରି ବଢିବାରେ ଲାଗିଛି। କେତେବେଳେ ଚୋରା କୋଇଲା କାରବାର ତ ପୁଣି କେତେବେଳେ ତାଲା ଭାଙ୍ଗି ଲୁଟ। ଶେଷରେ ମନ୍ଦିରକୁ ବି ଛାଡୁନାହାନ୍ତି ଲୁଟେରା ଦଳ। ଲୁଟ ଦିନକୁ ଦିନ ବଢ଼ୁଥିବା ବେଳେ ସୋମବାର ବିଳମ୍ବିତ ରାତିରେ ନରସିଂହପୁର ପଞ୍ଚାୟତ ବାଣପୁର ଗ୍ରାମର ନିଶାର୍କ ଶନି ମନ୍ଦିରରୁ ଚୋରି ହୋଇଥିବାକୁ ନେଇ ଥାନାରେ ଅଭିଯୋଗ ହୋଇଛି। ଚୋର ଦଳ ମନ୍ଦିରରେ ଥିବା ସମସ୍ତ ସୁନା, ରୂପା ଅଳଙ୍କାର ସହିତ ଆସବାବପତ୍ର ଚୋରି କରି ନେଇଥିବା ଅଭିଯୋଗ ହୋଇଛି। ସକାଳ ସମୟରେ ପୂଜକ ପହଞ୍ଚି ଚୋରି ହେବା ସଂପର୍କରେ ଜାଣିବା ପରେ ମନ୍ଦିର କମିଟିକୁ ଜଣାଇଥିଲେ। ପରେ ଏହି ଘଟଣାକୁ ନେଇ ଥାନାରେ ଲିଖିତ ଅଭିଯୋଗ ହୋଇଛି। ଅଭିଯୋଗକୁ ଭିତ୍ତି କରି ଘଟଣାର ତଦନ୍ତ ଚାଲିଥିବା ଥାନାଧିକାରିଣୀ ଲୋପାମୁଦ୍ରା ନାୟକ କହିଛନ୍ତି।
Comments are closed.