ନୂଆଦିଲ୍ଲୀ : ସୋସିଆଲ ମିଡିଆରେ ନିକଟରେ ଏକ ଛାତିଥରା ଭିଡିଓ ଭାଇରାଲ୍ ହେଉଛି । ଭିଡିଓଟି ଦେଖିଲେ ଭୟଭୀତ ଲାଗିବା ଆଶ୍ଚର୍ଯ୍ୟ ହେବା ସାଧାରଣ କଥା । ଭିଡିଓଟି ଚେନ୍ନାଇର ବୋଲି ଜଣାପଡିଛି ।
ଏଠାରେ ଏକ ସ୍ଥାନରେ ବର୍ଷା କାରଣରୁ ପାଣି ଜମିଥିବା ରାସ୍ତାରେ ବିଦ୍ୟୁତ୍ ତାର ସଂସ୍ପର୍ଶରେ ଆସି ଜଣେ ଶିଶୁ ଛଟପଟ ହେଉଥିବା ଦେଖାଯାଉଛି । ଶିଶୁର ଜୀବନ ରକ୍ଷା କରିବାକୁ ଜଣେ ଯୁବକ ନିଜ ଜୀବନକୁ ବାଜିରେ ଲଗାଇଥିବା ଦେଖିପାରିବେ। ଯୁବକଙ୍କ ସାହସର ଭିଡିଓ ଏବେ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଯୁବକଙ୍କ ସାହସକୁ ମଧ୍ୟ ପ୍ରଶଂସା କରିଛନ୍ତି।
ଅଜବ ରେସ୍ତୋରାଁ ; ଏଠାରେ ମିଳେ ହାତୀ ଗୋବରରେ ପ୍ରସ୍ତୁତ ମିଠା, ଆଶ୍ଚର୍ଯ୍ୟ କରିବ ଦାମ୍
ନିକଟରେ ଚେନ୍ନାଇରେ ପ୍ରବଳ ବର୍ଷା ପରେ ସହରର ଅନେକ ରାସ୍ତାରେ ପାଣି ଜମିଥିଲା । ଏଭଳି ହିଁ ପାଣିଜମିଥିବା ଏକ ସ୍ଥାନରୁ ଏହି ଛାତିଥରା ଘଟଣାର ଭିଡିଓ ଭାଇରାଲ୍ ହୋଇଥିଲା । ଶିଶୁଟି ରାସ୍ତାରେ ଯାଉଥିବା ସମୟରେ ପାଣି ଭର୍ତ୍ତି ରାସ୍ତାରେ ଖସି ପଡି ବିଦ୍ୟୁତ୍ ସଂସ୍ପର୍ଶରେ ଆସିଥିଲା । ଲୋକେ ଦୂରରୁ ଚିତ୍କାର କରୁଥିଲେ ମାତ୍ର କେହି ନିକଟକୁ ଯିବାକୁ ସାହସ କରୁନଥିଲେ ।
ଯୁବକ ଜଣକ ତୁରନ୍ତ ପିଲାଟିର ଜୀବନ ରକ୍ଷା କରିବାକୁ ଦୌଡି ଯାଇଥିଲେ । ସେ ମଧ୍ୟ ବିଦ୍ୟୁତ୍ ଆଘାତ ପାଇଛନ୍ତି । ମାତ୍ର ଶିଶୁ ସହ ନିଜ ଜୀବନକୁ ମଧ୍ୟ ରକ୍ଷା କରିଛନ୍ତି । ସେଠାରେ ଅନ୍ୟ କିଛି ଲୋକେ ଏହି ଦୃଶ୍ୟକୁ ରେକର୍ଡ କରୁଥିଲେ । ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
