ବରପାଲି: ବରପାଲି ୨୬ନମ୍ବର ଜାତିୟ ରାଜପଥ ଉପରେ ଏକ ଅଜଣା ଯୁବକର ମୃତଶରିର ପୋଲିସ ଦ୍ୱାରା ଉଦ୍ଧାର ହୋଇଛି। ଶୁକ୍ରବାର ପୁର୍ବାହ୍ନରେ ଧାଙ୍ଗେରପାଲି ଛକ ନିକଟରେ ଯୁବକଟି ରକ୍ତାତ ଅବସ୍ଥାରେ ଗତ ରାତ୍ର ସମୟରୁ ପଡ଼ିଥିଲା। ସ୍ଥାନୀୟ ଯୁବକ ମାନଙ୍କ ଦ୍ୱାରା ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ଆମ୍ବୁଲାନ୍ସ ସହାୟତାରେ ଡ଼ାକ୍ତରଖାନାକୁ ଆଣିଥିଲା। ଡ଼ାକ୍ତର ଯୁବକର ସ୍ୱାସ୍ଥ୍ୟ ପରିକ୍ଷା କରିବା ସହିତ ମୃତ ଘୋଷଣା କରିଥିଲେ।
ସ୍ତାନିୟ ଲୋକଙ୍କ କହିବାନୁଯାୟୀ ଗତ କିଛିଦିନ ହେଲା ଯୁବକଟି ଅଚଂଳରେ ବୁଲାବୁଲି କରୁଥିବା ବେଳେ ମାନସିକ ଅନଗ୍ରସର ପରି ଜଣାପଡ଼ୁଥିଲା। ଯୁବକର ଅଣ୍ଟା ଓ ଡ଼ାହାଣ ହାତରେ ଗୁରୁତର ଆଘାତ ଲାଗିଥିଲା। ଗତ ବିଳମ୍ବିତ ରାତ୍ର ସମୟରେ କୌଣଷି ଅଜଣା ଗାଡ଼ି ପଛପଟରୁ ଧକ୍କାଦେଇ ଫେରାର ମାରିଥିବା ପୋଲିସ ଅନୁମାନ ଲଗାଇଥିଲା। ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିବା ସହ ନିଜ ହେପାଜତରେ ବରଗଡ଼ ଡ଼ାକ୍ତରଖାନାକୁ ଶବବ୍ୟବଚ୍ଛେଦ ନିମନ୍ତେ ପଠାଇ ଯୁବକର ପରିଚୟ ପାଇଁ ଅନୁସନ୍ଧାନ ଜାରି ରଖିଛି।
