କଳାପଥର(ବାଙ୍କୀ) :ରାଜ୍ୟ ସରକାରଙ୍କ ଅନୁଶୁଚିତ ଜାତି ଓ ଜନଜାତି ଉର୍ଣ୍ଣୟନ ବିଭାଗଦ୍ୱାରା ବାଙ୍କୀ ବ୍ଳକ ଅନ୍ତର୍ଗତ ବୈଦ୍ୟେଶ୍ୱର ଆଶ୍ରମ ବିଦ୍ୟାଳୟରେ ସୋମବାର ସଂଧ୍ୟାରେ ଅଭିଭାବକ ଓ ଶୀକ୍ଷକ ସଂଘ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥିଭାବେ ବିଧାୟକ ପ୍ରଭାତ ତ୍ରୀପାଠି ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ କରି ଉଦଘାଟନ କରିଥିଲେ। ପରେ ଜଗନ୍ନାଥ ସଂସ୍କୃତିର ପ୍ରବଚକ ଡଃ କୃଷ୍ଣ କେଶବ ଷଡଙ୍ଗୀଙ୍କ ସଂଯୋଜନାରେ ଏକ ସଭା ଅନୁଷ୍ଠିତ ହୋଇଥିଲା। ଛାତ୍ରୀ ମାନେ ସ୍ୱାଗତ ସଂଙ୍ଗୀତ ଗାନକରିଥିବା ବେଳେ କବି ରବି ନାରାୟଣ ମଙ୍ଗରାଜ ଅତିଥି ପରିଚୟ ପ୍ରଦାନ କରିଥିଲେ। ବୈଦ୍ୟେଶ୍ୱର ପଞ୍ଚାୟତ ସରପଞ୍ଚ ପ୍ରମିଳା ସାହୁ ସଭାପତିତ୍ୱ କରିିଥିବାବେଳେ ଆଶ୍ରମବିଦ୍ୟାଳୟର ପ୍ରଧାନଶୀକ୍ଷକ ବ୍ରହ୍ମାନନ୍ଦ ସାହୁ ବିବରଣୀ ପାଠ କରିଥିଲେ। ସମ୍ମାନୀତ ଅତିଥିଭାବେ ପୂର୍ବତନ ସରପଞ୍ଚ ଶୁରଞ୍ଜନ ପଣ୍ଡା ,ସମାଜସେବୀ ରମେଶ ଷଡଙ୍ଗୀ , ବିଦ୍ୟାଳୟର ପୂର୍ବତନ ପ୍ରଧାନ ଶୀକ୍ଷକ କୁଳମଣୀ ବେହେରା ପ୍ରମୁଖ ଉପସ୍ଥିତ ଥିଲେ। ବିଦ୍ୟାଳୟର ବିଭିନ୍ନ ଅସୁବିଧା ଉପରେ ମୟୁରଭଞ୍ଜ ଜିଲ୍ଲାର ଅଭିଭାବକ ମାନେ ଅଭିଯୋଗ କରିଥିଲାବେଳେ ସମସ୍ୟାର ଖୁବଶୀଘ୍ର ସମାଧାନ କରାଯିବ ବୋଲି ବିଧାୟକ ପ୍ରତିଶୃତି ଦେଇଛନ୍ତି।
