ବଲାଙ୍ଗିର: ରାଉରକେଲା ଠାରେ ଆୟୋଜିତ ହୋଇଯାଇଥିବା ପଶ୍ଚିମ ଓଡିଶା ସୁନ୍ଦର ସ୍ୱାସ୍ଥ୍ୟ ପ୍ରତିଯୋଗିତାରେ ବଲାଙ୍ଗିରର ପ୍ରଶାନ୍ତ ଦାଶ ଶ୍ରେଷ୍ଠ ପ୍ରଦର୍ଶନ କରି ପଶ୍ଚିମ ଓଡିଶାଶ୍ରୀ ଟାଇଟଲ ଜିତିଛନ୍ତି। ସୁନ୍ଦରଗଡ ଆମେଚର ବଡି ବିଲଡର୍ସ ଆସୋସିଏସନ ଦ୍ୱାରା ସ୍ଥାନୀୟ ସିଭିକ୍ ସେଣ୍ଟର ଠାରେ ଆୟୋଜିତ ଏହି ପ୍ରତିଯୋଗିତାରେ ବିଭିନ୍ନ ଜିଲାରୁ ୭୦ ଜଣ ପ୍ରତିଯୋଗୀ ଭାଗ ନେଇଥିଲେ। ୫୫ରୁ ୬୦ କେଜି ବର୍ଗରେ ବଲାଙ୍ଗିରର ଟିଟୁ ସ୍ୱାଇଁ, ୬୦ରୁ ୬୫ ବର୍ଗରେ ରାମଚନ୍ଦ୍ର ଖର୍ସେଲ, ୭୦ରୁ ୭୫ କେଜି ବର୍ଗରେ ପ୍ରଶାନ୍ତ ଦାଶ ପ୍ରଥମ ସ୍ଥାନ ଅଧିକାର କରିଥିଲେ। ଉପେନ ଜାଲ, ଦୀପକ ପରିଡା, କାଶି ବୁଦ୍ଧିଆ, ସାହିଲ ସ୍ୱାଇଁ, ରୋହନ ସୁନା ନିଜ ନିଜ ଗ୍ରୁପରେ ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ। ବଲାଙ୍ଗିରର ସମସ୍ତ ପ୍ରତିଯୋଗୀ ତାଙ୍କର ଶ୍ରେଷ୍ଠ ପ୍ରଦର୍ଶନ କରିବା ଫଳରେ ବଲାଙ୍ଗିର ଗ୍ରୁପ ଚାମ୍ପିଅନ ହୋଇଥିଲା। ଏହି ପ୍ରତିଯୋଗିତାରେ ବଲାଙ୍ଗିର ଆମେଚର ବଡି ବିଲଡର୍ସ ଆସୋସିଏସନର ସଂପାଦକ ସଂଜୟ ଶତପଥୀ, ସଭ୍ୟ ରୂପକ କୁମାର ବରାଳ ବି·ରକ ଦାୟିତ୍ୱ ତୁଳାଇଥିଲେ।
Popular Categories
Previous article
Next article