ବାବ୍ରି ମସ୍‌ଜିଦ ଭଙ୍ଗା ମାମଲା: ସୁରକ୍ଷା ଲୋଡିଲେ ବିଚାରପତି

ନୂଆଦିଲ୍ଲୀ : ବାବ୍ରି ମସଜିଦ ଭଙ୍ଗା ମାମଲାର ଶୁଣାଣି କରୁଥିବା ସିବିଆଇ ସ୍ବତନ୍ତ୍ର ଅଦାଲତ ବିଚାରପତି ଏସକେ ଯାଦବ ନିଜର ସୁରକ୍ଷା ପାଇଁ ସୁପ୍ରିମକୋର୍ଟଙ୍କୁ ପତ୍ର ଲେଖିଛନ୍ତି। ବିଚାରପତିଙ୍କ ପତ୍ର ଉପରେ ଶୁଣାଣି କରି ସୁପ୍ରିମକୋର୍ଟ ଯୋଗୀ ଆଦିତ୍ୟନାଥ ନେତୃତ୍ବ ଉତ୍ତରପ୍ରଦେଶ ସରକାରଙ୍କୁ ଆବଶ୍ୟକ ପଦକ୍ଷେପ ନେବାକୁ କହିଛନ୍ତି।

ଏହା ସହିତ ମାମଲାର ଶୁଣାଣି ଶେଷ ପର୍ଯ୍ୟନ୍ତ ବିଚାରପତି ଯାଦବଙ୍କ କାର୍ଯ୍ୟକାଳ ବୃଦ୍ଧି କରିବାକୁ ପ୍ରଧାନ ବିଚାରପତି ରଞ୍ଜନ ଗୋଗଇଙ୍କ ନେତୃତ୍ବ ସୁପ୍ରିମକୋର୍ଟଙ୍କ ୫ ଜଣିଆ ବିଚାରପତି ପୀଠ ଉତ୍ତରପ୍ରଦେଶ ସରକାରଙ୍କୁ ନିର୍ଦେଶ ଦେଇଛନ୍ତି। ବାବ୍ରି ମସଜିଦ ଭଙ୍ଗାକୁ ନେଇ ବିଜେପିର ବରିଷ୍ଠ ନେତା ଏଲକେ ଆଡୱାଣୀ, ମୂରଲୀ ମନୋହର ଜୋଷୀ ଓ ଉମା ଭାରତୀଙ୍କ ବିରୋଧରେ ରହିଥିବା ମାମଲାକୁ ସ୍ବତନ୍ତ୍ର ଅଦାଲତ ଶୁଣାଣି କରୁଛନ୍ତି। ଶୁକ୍ରବାର ସୁପ୍ରିମକୋର୍ଟ ମାମଲାର ସ୍ଥିତାବସ୍ଥା ସମ୍ପର୍କରେ ଅନୁଧ୍ୟାନ କରିଥିଲେ।