ଝୁମ୍ପୁରା: ଚମ୍ପୁଆ ଉପଖଣ୍ଡ ବାରିଆ ଥାନା ଅନ୍ତର୍ଗତ ଭୀମପୁରଠାରେ ରହିଥିବା ଚମ୍ପୁଆ ବ୍ଲକ ଆପ୍ସାୟାର ତରଫରୁ ଟିପ୍ଟପ୍ ଉଚ୍ଚ ବିଦ୍ୟାଳୟ ପରିସରରେ ଦିନିକିଆ କିଶୋରୀ ବାଳିକା ସଚେତନତା ଶିବିର ଗୁରୁବାର ଅନୁଷ୍ଠିତ ହୋଇଯାଇଛି । ଆପ୍ସାୟାର ବ୍ଲକ ସଂଯୋଜକ ପ୍ରମୋଦ କୁମାର ସାହୁଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଅନୁଷ୍ଠିତ ଏହି ଦିନିକିଆ କିଶୋରୀ ବାଳିକା ସଚେତନା ଶିବିରରେ ଆପ୍ସାୟାର ବ୍ଲକ ସୁପର ଭାଇଜର ରୋହିତ ବାରିକ, ମହିଳା ସ୍ୱାସ୍ଥ୍ୟକର୍ମୀ କମଳିନୀ ବାରିକ, ବିରିକୁଆଁ ଅଙ୍ଗନବାଡି କର୍ମୀ ସବିତା ମହାନ୍ତ, ଭୀମପୁର ଅଙ୍ଗନବାଡି କର୍ମୀ ଜ୍ୟୋତ୍ସ୍ନାରାଣୀ ବେହେରା, ଶିକ୍ଷୟତ୍ରୀ ସୁପ୍ରଭା ମହାନ୍ତ, ଝୁନୁଲତା ମହାନ୍ତ, ଆପ୍ସାୟାର ସଦସ୍ୟ ପ୍ରଦୀପ ପାତ୍ର ପ୍ରମୁଖ ଯୋଗଦାନ କରିଥିଲେ । ଏହି କାର୍ଯ୍ୟକ୍ରମରେ ଯୋଗଦାନ କରିଥିବା କର୍ମକର୍ତ୍ତାମାନେ ତାଙ୍କ ବକ୍ତବ୍ୟରେ କହିଛନ୍ତି, କିଶୋରୀ ବାଳିକାମାନଙ୍କ ସୁରକ୍ଷା ନିମନ୍ତେ ସରକାର କିପରି ଆଇନ ପ୍ରଣୟନ କରିଛନ୍ତି ତା’ସହିତ କିଶୋରୀମାନଙ୍କର ଅଧିକାର କିପରି ରହିଛି, କିଶୋରୀ ବାଳିକାମାନଙ୍କ ପାଇଁ ଶିକ୍ଷାର ବ୍ୟବସ୍ଥା କିପରି ରହିଛି ତା ସଙ୍ଗେସଙ୍ଗେ କିଶୋରୀ ବାଳିକାମାନଙ୍କ ସ୍ୱାସ୍ଥ୍ୟର ଯତ୍ନ ନେବାକୁ ସ୍ୱାସ୍ଥ୍ୟ ବିଭାଗର ଭୂମିକା କିପରି ରହିଛି, କିଶୋରୀମାନଙ୍କୁ ସ୍ୱାସ୍ଥ୍ୟର ସୁରକ୍ଷା ନିମନ୍ତେ ପୁଷ୍ଟିକର ଆହାରଠାରୁ ଆଇରନ ବଟିକାର ବ୍ୟବସ୍ଥା କିପରି କରିଛନ୍ତି ସେ ବିଷୟରେ କହିଛନ୍ତି। ଏଥିସହ ୧୮ ବର୍ଷରୁ କମ୍ କିଶୋରୀମାନେ ଯେପରି ବାହାଘର ନକରିବାକୁ ସରକାର କିପରି ନିୟମ କରିଛନ୍ତି ସେ ସମ୍ପର୍କରେ ବିସ୍ତୃତ ଭାବରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ଶହେରୁ ଊର୍ଦ୍ଧ୍ବ କିଶୋରୀ ଯୋଗଦାନ କରିଥିବା ଦେଖିବାକୁ ମିଳିଥିଲା । ଏହି କାର୍ଯ୍ୟକ୍ରମକୁ ଆପ୍ସାୟାର ପଞ୍ଚାୟତସ୍ତରୀୟ କର୍ମକର୍ତ୍ତାମାନେ ପରିଚାଳନାରେ ସହଯୋଗ କରିଥିବା ଦେଖିବାକୁ ମିଳିଥିଲା ।
Comments are closed.