ଯାଜପୁର: ଯାଜପୁର ଜିଲା ଜାରକା ଏସବିଆଇ ଶାଖାର ଗ୍ରାହକ ଧିରେନ୍ଦ୍ର ମହାନ୍ତିଙ୍କ ଏଟିଏମ୍ ହ୍ୟାକ୍ ହୋଇ ୪୦ ହଜାର ଟଙ୍କା ଗାୟବ ହୋଇଯାଇଥିବା ଅଭିଯୋଗ ହୋଇଛି। ଧିରେନ୍ଦ୍ରଙ୍କ ପାଖରେ ଏଟିଏମ୍ କାର୍ଡ ଥାଇ ମଧ୍ୟ ଆକାଉଣ୍ଟରୁ ଟଙ୍କା ଗାୟବ ହୋଇଯାଇଛି। ଏପରିକି ମୋଇବାଲ ନମ୍ବରକୁ କୌଣସି ମେସେଜ୍ ମଧ୍ୟ ଆସିନାହିଁ।
ସୂଚନା ଅନୁସାରେ, ଗତ ନଭେମ୍ବର ୭ ତାରିଖରେ ସେ ଏଟିଏମ କାର୍ଡ଼ ସାହାଯ୍ୟରେ ୨ହଜାର ଟଙ୍କା ଉଠାଇଥିଲେ। ପରେ ତାଙ୍କ ଆକାଉଣ୍ଟରେ ୧ଲକ୍ଷ ୨୯ହଜାର ଟଙ୍କା ବାଲାନ୍ସ ରହିଥିବା ମୋବାଇଲକୁ ମେସେଜ୍ ଆସିଥିଲା। ଏହାପରେ ଡିସେମ୍ବର ୯ ତାରିଖରେ ଧିରେନ୍ଦ୍ର ଟଙ୍କା ଉଠାଇବାକୁ ଯାଇଥିବା ବେଳେ ଏଟିଏମ କାର୍ଡ କାମ କରିନଥିଲା। ପରେ ସେ ଶାଖା ସହ ଯୋଗାଯୋଗ କରିବାରୁ ତାଙ୍କ ଏଟିଏମ ବ୍ଲକ ହୋଇଯାଇଥିବା ଜାଣିବାକୁ ପାଇଥିଲେ। ପରଦିନ ସେ ଜମା ଖାତା ଆଣି ଆକାଉଣ୍ଟ ଯାଞ୍ଚ କରିବା ପରେ ତାଙ୍କ ଆକାଉଣ୍ଟରୁ ୪୦ହଜାର ଟଙ୍କା ଗାୟବ ହୋଇ ଯାଇଥିବା ଜାଣିବାକୁ ପାଇଥିଲେ। ତେବେ ଏହି ଟଙ୍କା ଝାଡ଼ଖଣ୍ଡ ରାଞ୍ଚି କଣ୍ଟାଟୋଲି ଛକ ସ୍ଥିତ ଏଟିଏମ କାଉଣ୍ଟରରୁ ସେହି ଦିନ ରାତି ୧୧.୧୯ମି. ସମୟରେ କ୍ରମାନ୍ୱୟରେ ୧୦ହଜାର ଟଙ୍କା କରି ୪ଥର ଉଠାଯାଇଥିବା ଷ୍ଟେଟମେଣ୍ଟରୁ ଜଣାପଡିଛି। ଏ ସଂପର୍କରେ ଧିରେନ୍ଦ୍ର ଶାଖା ପରିଚାଳକ ଓ ଧର୍ମଶାଳା ଥାନରେ ଲିଖିତ ଅଭିଯୋଗ କରିଛନ୍ତି। ତେବେ ଏ ସମ୍ପର୍କରେ ଶାଖା ପରିଚାଳକ କ୍ୟାମେରା ସାମ୍ନାରେ କିଛି କହିବାକୁ ମନା କରିଥିବା ବେଳେ ଏସବିଆଇ ଭୁବନେଶ୍ୱର ମୁଖ୍ୟ କାର୍ୟ୍ୟାଳୟକୁ ଅଭିଯୋଗ ପଠାଇ ଦେଇଥିବା କହିଛନ୍ତି।
ଏଟିଏମ୍ ହ୍ୟାକ୍, ଗ୍ରାହକଙ୍କ ଆକାଉଣ୍ଟରୁ ୪୦ହଜାର ଟଙ୍କା ଗାୟବ
Popular Categories
Previous article
Next article