ଆଠଗଡ଼: ଓଡ଼ିଶା ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ +୨ ବିଜ୍ଞାନ ଓ ବାଣିଜ୍ୟ ଫଳାଫଳ ପ୍ରକାଶ ପାଇଛି। ଆଠଗଡ଼ସ୍ଥିତ ଗୋପବନ୍ଧୁ ବିଜ୍ଞାନ କଲେଜ ବିଜ୍ଞାନ ବିଭାଗରେ ୧୧୧ଜଣ ପରୀକ୍ଷା ଦେଇଥିବାବେଳେ ସେମାନଙ୍କ ମଧ୍ୟରୁ ୧୦୧ଜଣ ଅର୍ଥାତ୍ ୯୦.୯୯ପ୍ରତିଶତ କୃତକାର୍ଯ୍ୟ ହୋଇଛନ୍ତି। ଛାତ୍ରୀ ଦେବସ୍ମିତା ତ୍ରିପାଠୀ ମୋଟ ୬୦୦ନମ୍ବରରୁ ୫୨୫ରଖି କଲେଜ ଟପ୍ପର ହୋଇଥିବା ଜଣାପଡଛି। ବିଜ୍ଞାନରେ କୃତକାର୍ଯ୍ୟ ହୋଇଥିବା ୧୦୧ଜଣଙ୍କ ମଧ୍ୟରୁ ୫୮ଜଣ ପ୍ରଥମ ଶ୍ରେଣୀରେ, ୩୧ଜଣ ୨ୟ ଶ୍ରେଣୀରେ ଓ ୧୨ଜଣ ତୃତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିବାବେଳେ ୧୦ଜଣ ପରୀକ୍ଷାର୍ଥୀ ଅକୃତକାର୍ଯ୍ୟ ହୋଇଥିବା କଲେଜ ଅଧ୍ୟକ୍ଷ ଡଃ ଲୋକନାଥ ସାହୁଙ୍କ ସୁତ୍ରରୁ ପ୍ରକାଶ। ସେହିପରି +୨ ବାଣିଜ୍ୟରେ ୨୦ଜଣ ଫର୍ମ ଫିଲଅପ କରିଥିବାବେଳେ ୧୯ଜଣ ପରୀକ୍ଷା ଦେଇଥିଲେ। ସେମାନଙ୍କ ମଧ୍ୟରୁ ସମସ୍ତେ କୃତକାର୍ଯ୍ୟ ହୋଇଥିବାବେଳେ ଛାତ୍ରୀ ସୁଭଦ୍ରା ରାଉତ ୪୮୩ନମ୍ବର ରଖି କଲେଜ ଟପ୍ପର ହୋଇଛନ୍ତି। ସଫଳତା ପାଇଥିବା ୧୯ଜଣଙ୍କ ମଧ୍ୟରୁ ୯ଜଣ ପ୍ରଥମ ଶ୍ରେଣୀରେ ୭ଜଣ ୨ୟ ଶ୍ରେଣୀରେ ଓ ୩ଜଣ ୩ୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି।
Popular Categories
Previous article
Next article