ଆଠଗଡ଼: ଆଠଗଡ଼ର ସର୍ବପୁରାତନ ଶ୍ରୀ ଶ୍ରୀ ସ୍ୱପ୍ନେଶ୍ୱର ମନ୍ଦିରରେ ବୈଶାଖ ଏକାଦଶୀ ତିଥିରେ ବିଶ୍ୱଶାନ୍ତି ରୁଦ୍ରଯଜ୍ଞ ଗୁରୁବାରଠାରୁ ଆରମ୍ଭ ହୋଇଛି। ଏହି ଉପଲକ୍ଷେ ବହୁ ଶ୍ରଦ୍ଧାଳୁ ସ୍ଥାନୀୟ ଶାସନ ପୋଖରୀରେ ପୂଜାର୍ଚ୍ଚନା ପରେ ଜଳକଳସ ଧାରଣ କରି ଏକ ଶୋଭାଯାତ୍ରାରେ ଆସିବା ପରେ ମନ୍ଦିରର ଯଜ୍ଞମଣ୍ଡପରେ ଘଟସ୍ଥାପନ କରାଯାଇଥିଲା। ଚତୁର୍ଦ୍ଦଶୀ ପର୍ଯ୍ୟନ୍ତ ଚାଲିବାକୁ ଥିବା ଏହି ଆଧ୍ୟାତ୍ମିକ କାର୍ଯ୍ୟକ୍ରମ ଅବସରରେ ମନ୍ଦିରରେ ଶିବପୁରାଣ ପାଠ, ରୁଦ୍ରାଭିଷେକ ସହିତ ବିଶ୍ୱଶାନ୍ତି ରୁଦ୍ରଯଜ୍ଞ ଆୟୋଜିତ ହେଉଛି। ଶନିବାର ଚତୁର୍ଦ୍ଦଶୀ ତିଥିରେ ପୂର୍ଣ୍ଣାହୁତି ସହିତ ଏହି ବିଶ୍ୱଶାନ୍ତି ରୁଦ୍ରଯଜ୍ଞ ସମାପିତ ହେବ। ବିଶ୍ୱଶାନ୍ତି ରୁଦ୍ରଗୋଷ୍ଠୀର ମହନ୍ତ ସୁଧାଂଶୁମୋହନ ପଟ୍ଟନାୟକଙ୍କ ତତ୍ୱାବଧାନରେ ଅନୁଷ୍ଠିତ ହେଉଥିବା ଏହି ଯଜ୍ଞ ପରିଚାଳନାରେ ସୁବାସ ପ୍ରସାଦ ରଥ, ମନ୍ଦିର ପୂଜକ ରବିନାରାୟଣ ପଣ୍ଡା, ପ୍ରତାପ ମହାପାତ୍ର, ଧନେଶ୍ୱର ବାରିକ, ସୌମ୍ୟରଞ୍ଜନ ରଥ, ଅମରନାଥ ମହାନ୍ତି ଓ ନୀଳକଣ୍ଠ ଦୋରା ପ୍ରମୁଖ ସହଯୋଗ କରିଛନ୍ତି।
Popular Categories
Previous article
Next article