ଆଠଗଡ: ଆଠଗଡ ବିଜୁ ଯୁବ-ଛାତ୍ର ଜନତା ଦଳ ଆନୁକୁଲ୍ୟରେ ଓଡିଶା ମୋ ପରିବାର ଓ ଜୀବନ ବିନ୍ଦୁ ସହଯୋଗରେ ଧାଇପୁରଠାରେ ମଙ୍ଗଳବାର ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରେ କଟକ ରେଡକ୍ରସ ରକ୍ତଭଣ୍ଡାରର ଡାକ୍ତରୀଦଳ ୧୨୩ଜଣ ସ୍ୱେଚ୍ଛାକୃତ ରକ୍ତଦାତାଙ୍କର ରକ୍ତ ସଂଗ୍ରହ କରିଥିଲେ। ଜୀବନବିନ୍ଦୁ ସଂଯୋଜକ ପ୍ରଦୀପ କୁମାର ଦାସ ଓ ଆବାହକ ରାକେଶ ଦାଶଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ସର୍ବୋଚ୍ଚ ନ୍ୟାୟାଳୟର ଆଇନଜୀବୀ ତଥା ଯୁବ ସଂଗଠକ ଆଦିତ୍ୟ ପ୍ରତାପ ସ୍ୱାଇଁ ମୁଖ୍ୟଅତିଥି ଭାବେ ଯୋଗଦେଇ ରକ୍ତଦାନ ଜୀବନଦାନ ସହିତ ସମାନ ଏବଂ ଏହା ସର୍ବଶ୍ରେଷ୍ଠ ମାନବସେବା ବୋଲି ମତବ୍ୟକ୍ତ କରିଥିଲେ।
ଏଥିରେ ସମ୍ମାନିତ ଅତିଥିଭାବେ ବ୍ଲକ ବିଜେଡି ସଭାପତି ରବିନ୍ଦ୍ରନାଥ ରାଉତ ଯୋଗଦେଇ ରକ୍ତଦାତାଙ୍କୁ ଉତ୍ସାହିତ କରିଥିଲେ। ଧାଇପୁର ବିଜେଡି ସଭାପତି ଉଦ୍ଧବ ସାହୁ, ଅଶୋକ କୁମାର ରାଉତ, ଦେବରାଜ ପ୍ରଧାନ, ସଂଗଠକ ଶଶଧର ସାହୁ, ପ୍ରଶାନ୍ତ କୁମାର ସାହୁ, ଧରଣୀଧର ବେହେରା, ବିଶ୍ୱଜିତ୍ ସାହୁ, ସୁଜିତ୍ କୁମାର ରାଉତ, ସନ୍ତୋଷ କୁମାର ସାହୁ, ଧନେଶ୍ୱର ବେହେରା, ତପନ କୁମାର ସାହୁ, କାହ୍ନୁ ବେହେରା ପ୍ରମୁଖ ଏହି ରକ୍ତଦାନ ଶିବିର ପରିଚାଳନା କରିଥିଲେ।
