ଜଳୁଛି ପଶ୍ଚିମ ଓଡ଼ିଶା: ସାଢେ ୮ଟା ସୁଦ୍ଧା ୩୯ ଡିଗ୍ରୀ ସହ ଭବାନୀପାଟଣା ସବୁଠୁ ଉତ୍ତପ୍ତ

ଭୁବନେଶ୍ଵର: ସକାଳୁ ସକାଳୁ ଅସହ୍ୟ ତାତି।  ଜଳୁଛି ପଶ୍ଚିମ ଓଡିଶା। ସାଢେ ୮ଟା ସୁଦ୍ଧା ୩୯ ଡିଗ୍ରୀ ସହ ଭବାନୀପାଟଣା ସବୁଠୁ ଉତ୍ତପ୍ତ ସହର ପାଲଟିଛି। ଟିଟିଲାଗଡ ୩୧, ବଲାଙ୍ଗୀର ୩୭.୪, ସୋନପୁର ଓ ଝାରସୁଗୁଡା ୩୬.୬, ହୀରାକୁଦ ୩୬.୪, ସମ୍ବଲପୁର ୩୬.୨, ବୌଦ୍ଧରେ ୩୬ ଡିଗ୍ରୀ ତାପମାତ୍ରା ରେକର୍ଡ ହୋଇଛି। ସେହିପରି ସକାଳ ଭୋର୍ ୫ଟା ୩୦ ସୁଦ୍ଧା ଭୁବନେଶ୍ଵରର ତାପମାତ୍ରା ୩୧ ଡିଗ୍ରୀ ରେକର୍ଡ ହୋଇଛି। ଆର୍ଦ୍ରତା ୮୭ ପ୍ରତିଶତ ଥିବାରୁ ପ୍ରବଳ ଗୁଳୁଗୁଳି ଅନୁଭୂତ ହେଉଛି। ଆଗାମୀ ଦୁଇ ଦିନ ଭିତରେ ତାପମାତ୍ରା ୨ରୁ ୩ଡିଗ୍ରୀ ବଢିବ ବୋଲି ପାଣିପାଗ ବିଭାଗ ଆକଳନ କରିଛି। ବୁଧବାର ୪ଟି ସହରରେ ତାପମାତ୍ରା ୪୬ ଡିଗ୍ରୀ ଟପିଥିଲା। ବଲାଙ୍ଗୀରରେ ୪୬.୩, ସୋନପୁର ୪୬.୨, ଟିଟିଲାଗଡ ଓ ଝାରସୁଗୁଡାରେ ୪୬ଡିଗ୍ରୀ ତାପମାତ୍ରା ରେକର୍ଡ ହୋଇଥିଲା। ସେପଟେ ଆଜି ଭୀଷଣ ଗ୍ରୀଷ୍ମଲହରୀ ନେଇ ୬ ଜିଲ୍ଲାକୁ କମଳା ସତର୍କ ସୂଚନା ଜାରି କରିଛି ପାଣିପାଗ ବିଭାଗ।