ନୂଆଦିଲ୍ଲୀ . – ଆସନ୍ତା ୫ ବର୍ଷମଧ୍ୟରେ ଭାରତୀୟ ସେନା ଦେଢ ଲକ୍ଷ ସୈନ୍ୟ କମ୍ କରିବା ପାଇଁ ଲକ୍ଷ୍ୟ ରଖିଛି । ସୈନ୍ୟ ବାହିନୀକୁ ସୁ ସଙ୍ଗଠିତ , ଅଧିକ ଶକ୍ତିଶାଳୀ ଓ ଅତ୍ୟାଧୁନିକ ବୈଷୟିକ ଜ୍ଞାନ ସମ୍ପନ୍ କରିବା ପାଇଁ ସେନା ଏହି ଲକ୍ଷ୍ୟ ରଖିଥିବା କଥା ସୂଚନା ମିଳିଛି । ଏବେ ଭାରତୀୟ ସେନାରେ ୧୨ ଲକ୍ଷରୁ ଅଧିକ ସୈନିକ ଅଛନ୍ତି । ସେନାରେ ନିୟୋଜିତ ଥିବା ସୁରକ୍ଷା କର୍ମୀଙ୍କୁ ଅଧିକ ବୈଷୟିକ ଜ୍ଞାନ ଦିଆଯିବ ସହ ସେନାକୁ ଅଧିକ ସୁସଙ୍ଗଠିତ କରାଯାଇ ପାରିବ ବୋଲି ସେନା ମୁଖ୍ୟ ଜେନେରାଲ ବିପିନ ରାଓ୍ୱତ କହିଛନ୍ତି । ସେନାକୁ ଏକ ବିଂଶ ଶତାଦ୍ଦୀର ଯୁଦ୍ଧ ପାଇଁ ପ୍ରସ୍ତୁତ ହୋଇ ରହିବାକୁ ପଡିବ ।
ଏଥିପାଇଁ ଦେଢ ଲକ୍ଷରୁ ୨ ଲକ୍ଷ ସୈନିକଙ୍କୁ କମ କରାଯାଇ ପାରେ ବୋଲି ଟାଇମ୍ନାଓର ଏକ ରିପୋର୍ଟରେ ପ୍ରକାଶ କରାଯାଇଛି । ଆସନ୍ତା କିଛି ମାସ ମଧ୍ୟେର ୫୦ ହଜାର ସୈନ୍ୟ କମ୍ କରାଯାଇ ପାରନ୍ତି । ଆସନ୍ତା ୨ ବର୍ଷ ମଧ୍ୟରେ ଏକ ଲକ୍ଷ ଓ ୫ ବର୍ଷ ମଧ୍ୟରେ ଏହି ସଂଖ୍ୟା ବୃଦ୍ଧି ପାଇ ପାରେ ବୋଲି ରିପୋର୍ଟ ପ୍ରକାଶ ପାଇଛି ।
କାରଗିଲ୍ ଯୁଦ୍ଧ ପୂର୍ବରୁ ୧୯୯୮ମସିହାରେ ୫୦ହଜାର ସୈନ୍ୟ କମ୍ କରାଯାଇଥିଲା । ଜେନେରାଲ ଭିପି ମଲିକ୍ଙ୍କ ସମୟରେ ଏହା ହୋଇଥିଲା । ଏବେ ସୈନ୍ୟ ସଂଖ୍ୟା କମ୍ କରିବା ସହ ବିଭିନ୍ନ ବିଭାଗର ସମିଶ୍ରଣ ହୋଇ ପାରେ । ଏହା ସହ ସୈନ୍ୟକମାନଙ୍କୁ ଯୁଦ୍ଧ କୌଶଳର ବିଭିନ୍ନ ଅତ୍ୟାଧୁନିକ ବୈଷୟିକ ଜ୍ଞାନ ବିଷୟରେ ପ୍ରଶିକ୍ଷଣ ଦିଆଗଲେ ଏକ ଶକ୍ତିଶାଳୀ ସେନାବାହିନୀ ଗଠନ କରାଯାଇ ପାରିବ ବୋଲି ଭାରତୀୟ ସେନା ପକ୍ଷରୁ ଆକଳନ କରାଯାଇଛି ।
