ନୂଆଦିଲ୍ଲୀ : ବଲିଉଡର ହବାହବାଇ ବା ଲୋକପ୍ରିୟ ଅଭିନେତ୍ରୀ ଶ୍ରୀଦେବୀଙ୍କ ମୂର୍ତ୍ତି ସୁଇଜରଲ୍ୟାଣ୍ଡରେ ସ୍ଥାପନା କରାଯିବ। ସୁଇଜରଲ୍ୟାଣ୍ଡ ପ୍ରଶାସନ ଦ୍ୱାରା ଏହି ସୂଚନା ଦିଆଯାଇଛି। ଚଳଚ୍ଚିତ୍ର ଚାନ୍ଦିନୀରେ ସୁଇଜରଲ୍ୟାଣ୍ଡରେ ବିଭିନ୍ନ ସ୍ଥାନରେ ଏହାର ସୁଟିଂ କରାଯାଇଥିଲା।
ସୂଚନା ଯୋଗ୍ୟ ଯେ ୨୦୧୬ରେ ପ୍ରଖ୍ୟାତ ଚଳଚ୍ଚିତ୍ର ନିର୍ଦ୍ଦେଶକ ୟଶ ଚୋପ୍ରାଙ୍କ ମୂର୍ତ୍ତି ମଧ୍ୟ ଇଣ୍ଟରଲାକେନରେ ସ୍ଥାପନା କରାଯାଇଥିଲା। ନିର୍ଦ୍ଦେଶକ ୟଶ ଚୋପ୍ରା ନିଜର ବହୁ ଚଳଚ୍ଚିତ୍ରରେ ସୁଇଜରଲୟାଣ୍ଡର ସୌନ୍ଦର୍ଯ୍ୟର ପରିପ୍ରକାଶ କରି ଭାରତୀୟ ପ୍ରର୍ଯ୍ୟଟକ ମାନଙ୍କୁ ସୁଇଜରଲ୍ୟାଣ୍ଡ ଆସିବପାଇଁ ଆକୃଷ୍ଟ କରିଥିଲେ। ତେଣୁ ସୁଇଜରଲ୍ୟାଣ୍ଡ ତରଫରୁ ତାଙ୍କୁ ମନେରଖିବା ପାଇଁ ତାଙ୍କ ମୂର୍ତ୍ତି ସ୍ଥାପନା କରାଯାଇଥିଲା। ସେହିପରି ଅଭିନେତ୍ରୀ ଶ୍ରୀଦେବୀଙ୍କ ଅବଦାନକୁ ମଧ୍ୟ ଦୃଷ୍ଟିରେ ରଖି ତାଙ୍କ ମୂର୍ତ୍ତି ସ୍ଥାପନା ପାଇଁ ଯୋଜନା ରଖାଯାଇଛି। ଚାନ୍ଦନି ଚଳଚ୍ଚିତ୍ରର ବହୁ ଅଂଶ ସୁଇଜରଲ୍ୟାଣ୍ଡରେ ସୁଟିଂ କରାଯାଇଥିଲା। ଏହି ଚଳଚ୍ଚିତ୍ରରେ ଅଭିନେତ୍ରୀ ଶ୍ରୀଦେବୀଙ୍କ ସହ ଋଷି କାପୁର ଓ ବିନୋଦ ଖାନାଙ୍କ ତ୍ରିକୋଣିୟ ପ୍ରେମ ଦେଖିବାକୁ ମିଳିଥିଲା।
