ଆରଡି: ଗତକାଲି ବିଳମ୍ବିତ ରାତିରେ ଆରଡିଫାଣ୍ଡି ଅଧିନସ୍ଥ ନାନ୍ଦପୁର କୋଇଲିଖା ଗାଁରୁ ଚୋରି ହୋଇଛି । କୋଇଲିଖା ଗାଁର ଜୟଚନ୍ଦ୍ର ରାୟଙ୍କ ଘରେ ୪ରୁ ୫ଜଣ ଦୁର୍ବୃତ୍ତ ଛାତର ସ୍କାଇଲାଇଟ୍ ଭାଙ୍ଗି ଘରେ ପଶି ତାଙ୍କ ଘରେ ଭଡାରେ ରହୁଥିବା ଜଣେ ଶିକ୍ଷୟିତ୍ରୀ ମାଧୁରୀ ପରିଡାଙ୍କୁ ଛୁରୀ ଦେଖାଇ ନଗଦ ୨୫ହଜାର ଟଙ୍କା ସହ ଲକ୍ଷାଧିକ ଟଙ୍କାର ସୁନାଗହଣା ଲୁଟି ନେଇଛନ୍ତି । ଘଟଣାକୁ ନେଇ ଆରଡି ଫାଣ୍ଡିରେ ଏତଲା ଦିଆଯିବା ପରେ ଫାଣ୍ଡି ଅଧିକାରୀ ସୁରେନ୍ଦ୍ର ମଲଙ୍କ ନେତୃତ୍ବରେ ଘଟଣାର ତଦନ୍ତ କରାଯିବା ସହ ସାଇଣ୍ଟିଫିକ ଟିମ ଓ ସନ୍ଧାନୀ କୁକୁର ଦ୍ବାରା ଛାନଭିନ କରାଯାଇଥିଲା । ଏନେଇ ଫାଣ୍ଡି ଅଧିକାରୀ ଶ୍ରୀ ମଲ ପ୍ରତିକ୍ରିୟା ରଖିଛନ୍ତି । ଘଟଣାର ତଦନ୍ତ ଜାରି ରହିଛି ଖୁବଶୀଘ୍ର ଦୁର୍ବୃତ୍ତଙ୍କୁ ଧରାଯିବ ବୋଲି ସେ କହିଛନ୍ତି ।
Popular Categories
Previous article
Next article